• الرئيسية
• فن

تحدث هشام نجل الموسيقار حلمي بكر عن مساندته لشقيقته ريهام، وميراث والده، بجانب الكشف عن ذكرياته مع والده.

وقال هشام حلمي بكر ربنا وفقنا النهاردة في كل شيء، التصاريح طلعت بسرعة جدًا، وأتمنى يكون والدي راضي عني.

وأضاف: جالي خبر وفاته وأنا جاي في المطار، وده كان صعب جدًا عليا.. وقضيت الرحلة 25 ساعة في ذكرياتي مع والدي، وهو كان بيحب ينزل الساعة 2 أو 3 الفجر يجيب كل الجرايد أول ما تنزل، وأنا كان ميعاد نومي 8 ونص لكنه كان بيصحيني وأنزل معاه ونروح محطة مصر.

وعن علاقته بوالده الراحل أجاب نجل حلمي بكر: طول عمرنا علاقتنا فيها تفاهم كبير، بنفهم بعض من غير كلام، وكلنا هنتقابل في يوم من الأيام، أنا وأختي صلينا جنب بعض، وكنت بحاول أخفف عليها، هي لسه صغيرة إنها تستوعب حاجة زي كده، واتفقت أنا وأختي أننا ندعيله وأنه هيروح الجنة، وهياكل كل الأكل اللي بيحبه.

وبشأن الميراث، أوضح نجل حلمي بكر: النهاردة كان هدفي الأساسي أدفن والدي في أسرع وقت، وأنا مش هتناقش في الميراث والكلمة مجتش على بالي أبدا.