تامر حسني بعد أزمته الأخيرة: «الأزمات هي اللي بتقوي الواحد و تخليه يوصل أسرع»
وجه الفنان تامر حسني، نصيحه للجماهير والمتابعين من خلال صفحته الرسمية على مواقع التواصل الاجتماعي "فيسبوك"، قائلًا: «صباح الفل على الجميع … الكل بيتمنى أن مشوار حياته يبقى خالي من الأزمات و مبيعرفش أن الأزمات هي اللي بتقويه و تخليه يوصل أسرع».
وتابع الفنان تامر حسني: «عشان كده أوعى تخاف من الأزمات الحياه فوق و تحت و المحنه بايدك تحولها منحه و الألم بأيدك تحوله لأمل حرفين بس بدلهم جواك و متلتفتش لحظه للي يحبطك بالعكس قوم انجح زياده و افرسه خليك انت بتكبر وهوعمال يصغر».
واستكمل الفنان تامر حسني حديثة، قائلًا :« و لما ظروفك ترجعك لورا أوي قول أستحمل شويه وافتكر أن السهم اللي على قد ما يرجع ورا على قد ما ينطلق اسرع و يوصل لابعد مدا هي دي وعود ربنا لينا اللي لايمكن يحصل غيرها هينصفك و لو بعد حين».
وطالب الفنان جمهوره بالثقه في الله، قائلًا: «ثق في ترتيب اقدار الله وانت مغمض و متطمن و احمده على الضراء قبل السراء .. هتلاقي نتايج مزهله بس طبعاً مع مجهودك المستمر في السعي.. سبحان الله التجربه دي انا شوفتها كده بتشرح معجزة آية ( أن مع العسر يسر)».