مي عمر: ”محمد سامي محترم وبيراعي غيرتي عليه”
تحدثت الفنانة مي عمر عن حقيقة غيرتها من نجاح زوجها المخرج محمد سامي في مسلسل “جعفر العمدة” الذي عرض في موسم دراما رمضان الماضي.
وقالت مي، خلال استضافتها في برنامج "أسرار" مع الإعلامية أميرة بدر المذاع على قناة النهار، "أنا بغير بس مبحبش أبين، بغير من حاجات هبلة، وبقول أنا اتضايقت لو حصل حاجة معينة، بس محمد سامي محترم وبيراعي الحتة دي".
وتابعت "لو حصل من محمد سامي حاجة، هيبقى رد فعلي كبير، لأن الخيانة مش حاجة سهلة ومش هقدر أتقبلها، وأنا مش همشي ورا الإشاعات، ولو وصل الأمر للخيانة مستحيل أعمل نفسي مش واخدة بالي، ومقدرش أبقى مع واحد بيخوني، ومش حاسة إني هقدر استحمل الخيانة، ومش بغير من حبه لبناته".
وعن غيرتها من نجاح مسلسل جعفر العمدة، قالت مي "محصلش إني غيرت من نجاح المسلسل، كسر الدنيا، وأحب إن محمد ينجح أكتر مني، وكنت أسعد واحدة بنجاحه، وإحنا صحاب جدًا ودي أهم ميزة في الجواز، وهوايتنا واحدة تقريبًا، وبنستمتع بالحياة مع بعض، ومن قبل الارتباط، كنت أي مشكلة ألجأ له أول واحد".