• الرئيسية
• فن

كشف الفنان مراد مكرم، عن سبب اتخاذه لقرار خسارة وزنه، موضحًا أنه تعرض لأزمات صحية نتيجة لزيادة وزنه، وإفراطه في تناول الطعام.

قال مراد مكرم، في تصريحات لبرنامج «صاحبة السعادة»، تقديم إسعاد يونس والمعروض على قناة «DMC»: «أنا جسمي كان حلو لحد قبل الجواز بـ 3 سنين، وزدت شوية بعد الجواز، ومراتي عيلتها كبيرة واتعزمنا كتير، ومع أكل ماما لقيت نفسي ضربت جامد، لكن برنامج الأكيل زودني 8 أو 10 كيلو».

وأضاف: «ابتديت أدخل في مشاكل صحية، ومكنتش عارف ألعب مع ابني في طفولته، وخدت وقت علشان أخرج من الدايرة المفرغة، وإني أطلع كل عاطفتي في الأكل سواء متضايق أو محبط أو أكافئ نفسي بالأكل، وجت فكرة الرجوع للجيم، في حاجة اتعلمتها من أهلي، إني ما لم أكن مضطرا مفيش داعي أدخل تحت مشرط دكتور».

وتابع :«أنا في الرياضة من 4 أو 5 شهور، لكن بدأت أخس قبلها ونزلت 10 كيلو لأسباب مرضية وحقن من آثارها الجانبية إني إخس، ولما رجعت أتمرن ومع بعض نصائح المدرب في الأكل نزلت 14 كيلو،أنا كنت وصلت لـ 158 كيلو في 20 سنة، لما أخس في سنة أو سنة ونص مش معضلة ومش مستعجل، ولو نزلت لـ 100 كيلو بالعملية شكلي هيكبر 20 سنة».

أحدث أعمال مراد مكرم

أحدث أعمال مراد مكرم، هو مسلسل «6 شهور»، من بطولة نور النبوي، ونور إيهاب، ومراد مكرم، وأمجد الحجار، ومن تأليف عمرو أبوزيد وأحمد هشام، ومن إخراج مصطفى الصولي .