ابن «صيدلي حلوان» يكشف تفاصيل جديدة في حياة والده

لازالت قضية وفاة صيدلي حلوان الدكتور ولاء زايد، تُثير الجدل على مواقع التواصل الإجتماعي "فيسبوك، خاصة بعد أعترافات المتهمين، والأسرار التي كشفتها أوراق التحقيقات، بعد قيام زوجته وأسرتها باستعراض القوة تجاهه واحتجازه داخل شقته مما دفعه لإلقاء نفسه من الطابق الخامس، وذلك على لسان نجله الصغير الذي شاهد ما حدث لوالده داخل الشقة.

فيقول نجل صيدلي حلوان ولاء زايد:" أنا صحيت من النوم لقيت جدو حمدي وخالو على وعمر ومدرب السباحة سيف، وواحد اسمه محمد عصام وكلهم كانوا بيتخانقوا مع بابا وعرفت إنه متجوز واحدة تانية، وبعدين بابا اتصل بيها وقال لها: أنا مش بحبك ومش عاوز أعرفك تاني، وماما كلمتها وقفلت الخط في وشها، وبعد شوية طلبنا أكل فراخ ومكرونة وكفتة، وكنت قاعد باكل برا مع مامتي، ولقيت خالو (عمر) معاه عصايا وبابا بيقول له سيبني.. سيبني، وبعد كده سمعت صوت هبدة جامدة وعرفت إن بابا اترمى من البلكونة".

وأضاف نجل صيدلي حلوان:" خالو كان قاعد بياكل معانا وبعدين راح غسل إيده، وبعدين داخل الأوضة اللي فيها بابا، وبعدين سمعت الصوت دا، ومكنش فيه حد قاعد مع بابا في غرفة السفرة بعد ما محمد عصام طلع، وحسيت في دماغى أن محمد عصام هو اللي رماه، لكن أنا ماشوفتوش وهو بيرميه، وبعدين بصيت أنا وماما من الشباك لقيت ناس كتير متلمية تحت البيت".

وأوضح نجل صيدلي حلوان:" والدي لم يتناول معنا الطعام، لأنه كان متخانق مع ماما علشان فلوس، وهي قالتله انتا خدت الفلوس بتاعتى بعد لما اتخانقوا الصبح، وماما ضربته بالمقشة ساعة ما اتخانقوا على الفلوس حوالي 10 مرات، وفي ضرب جه على رجله".