مين يطيق.. الرئيس السيسي: لم نحمل المواطنين أعباء زيادة الأسعار عالميا

قال الرئيس عبدالفتاح السيسي، إن الكهرباء وقبل الزيادة الأخيرة في سعر الغاز عالميا كانت هناك 17 مليون وحدة سكنية تستخدم الكهرباء بثلث سعرها، وكان تكلفة الكهرباء مبنيا على 3 دولار للوحدة، ولكن اليوم وصل سعر الوحدة لـ40 و50 دولار في العالم كلة، «أحنا معملناش ده، واللي قدرنا نعمله مقولناش عليه علشان ميبقاش ضاغط عليك».

وأضاف «السيسي»، خلال كلمته ضمن حوارا له مع المواطنين على هامش تفقده نادي شربين الرياضي، والمذاع على فضائية «إكسترا نيوز»: «لو أنت كنت بتدفع فاتورة الكهرباء 100 جنيه وقولتلك هتبقي 1000 جنيه، مين يطيق، الأوروبيين عملوا كده، لما الأسعار زادت حملوها للناس، أنا مقدرش أعمل كده مع المصريين لأن ظروفنا أصعب، وهما هناك أغنياء، ربنا يعينا على الخير كلنا».

واستطرد: «مسلتزمات الإنتاج من ضمن الحجات اللي اتأثرت بالموضوع ده، سلاسل الإمداد بقالنا 5 أشهر تقريبا، وبتمني من ربنا خلال الشهرين اللي وعدتكم بيهم نكون خلصناهم، لأننا هنا مش بنتكلم على المناطق الصناعية، أحنا بنتكلم على أي مستلزمات إنتاج ممكن يكون فيه جزء يخصك».

وأوضح أنه على سبيل المثال فبالنسبة لمزارعي الثروة الداجنة فقد اشتكوا من غلو سعر الأعلاف والذرة أو عدم توافرهم، مستطردا: «عارفين يا مزارعين مصر أننا 7 مليون طن، عارف أحنا بنجيب قد إيه ذرة 7 مليون من بره، علشان أما أقولكم خلوا بالكم من الأرض بتاعتكم لأنها غالية أوي».