عصام شعبان عبد الرحيم لـ”أحمد عبد العزيز”: ”عامل النظافة راح عملي محضر بالترنج اللي انا جبتهوله ”

أكد عصام شعبان عبد الرحيم، أن كل ماقاله عامل النظافة محمد عادل في محضر الشرطة لم يحدث إطلاقًا، مُتابعًا:" كل الحكاية أننا كنا في مدينة الإنتاج، لقيت محمد عادل بيقولي أنا اللي دخلتك هنا، وشهرتك وخليت الناس تعرفك..أنا مبيقتش فاهم أما أنا أبن مين، وبعد كدا راح قعد تحت بيتي، فكنت رايح أكلمه بكل أحترام وأعرف سبب تواجده تحت بيتي، راح عمل محضر فيا وقال اني قمت بسبه وشتمه وضربة دون إصابات أثناء تواجده بقهوة مصر الجديدة، ودا محصلش".

وأشار شعبان عبد الرحيم، خلال لقائه مع المذيع أحمد عبد العزيز، في برنامج وسط فني المذاع على القناة الفضائية الحدث اليوم، إلى أنه قام في وقت سابق بشراء لمحمد عادل عامل نظافة ملابس "ترينج" مع نجله، وكان لابسها وهو بيعمل محضر ضدي، مُتابعًا:" الناس حذرتني كتير من محمد عادل، بس أنا مسمعتش لحد، وفي الأخر أثبتلي أنه أساءه بالفعل لمهنة النظافة".