القصة الكاملة لـ” الطفل يوسف” ضحية القيادة المتهورة في مدينتي

قيادة متهورة والسير على سرعة 120 كيلو مترا، كان هذا المشهد المرعب الذي عاشه الطفل يوسف ابن الـ14 عامًا، ضحية الدهس على يد طفل آخر يدعى «جهاد. أ» 16 عاما، أثناء قيادة سيارة والده بأحد الشوارع داخل كمبوند بمنطقة التجمع الأول بالقاهرة الجديدة.

حيث أُصيب الطفل الضحية بكسر في الجمجمة وارتشاح في المخ وكسر في الحوض، ويرقد في العناية المركزة لتلقي العلاج، وبحسب التحقيقات التي باشرتها النيابة العامة، جرى إحالة الطفل إلى المحاكمة وتم تحديد جلسة 24 يناير الجاري كأولى جلسات محاكمته بمحكمة الأميرية نيابة الطفل بالقضية 240 لسنة 2023 جنح.

وفقًا للتحقيقات والتحريات التي جرت تحت إشراف وكيل النيابة محمد نور، في محكمة الأميرية نيابة الطفل بالقضية 240 لسنة 2023 جنح، أنّ المتهم أصاب الطفل يوسف، بسيارة سرقها من والده، وقادها برعونة على سرعة فاقت الـ120 كيلو مترا في الساعة انتهت بدهس الطفل.

رسالة حزينة من رضوى العوضي لدهس طفلها
وهنا كتبت الروائية رضوى العوضي، والدة يوسف الذي تعرض للدهس، رسالتها الحزينة فقالت: "عارفين ده مين ده يوسف ابني "حبيب ربنا" اللي عمره ما أذى حد حتى لو حد اذاه اللي بيخاف على زعل ربنا من أي حاجه ممكن يعملها ويفكر الف مره ويكلم ضميره ويراحع نفسه علشان ميغلطش ويزعل ربنا".

وتابعت الروائية رضوى العوضي رسالتها المؤلمة فقالت: "حبيبي ده من وهو صغير بقول له انت يايوسف اخر الاطفال المحترمين محدش يعرفه غير وقال عليه متربي ومحترم.. اقول ايه واحكي ايه احكي مواقفه واللا اقول احساسي بيه في الدنيا ايه ده هو اللي سندي وضهري مش انا.. هو اللي حنيته عليا انا ومريم اخته تكفي الكون.."

وبكلمات تقطر دمًا استطرت الروائية رضوى العوضي فقالت: "اسألوا اصحابه مين يوسف اسأله اصحابي اللي عارفينه مين يوسف إسأله مدرسته ومدرسينه مين يوسف مش عشان انا امه بقول كده.. ربيته وكبرته على انه يكون بنى آدم انسان مش بشر لان الفرق في الاحساس كبير"

وعن صفات نجلها، الذي تعرض للدهس من طفل يقود سيارة بسرعة جنونية قالت رضوى: "بيحب الكورة واصحابه زى عنيه بيخاف على اصحابه ويشيل همهم اكتر من نفسه.. يوسف ابني محتاج دعواتكم لانه فجأه ملقيتوش جنبي ولقيته في اوضه مقفوله مكتوب عليه رعاية مركزة مخ واعصاب"

وأكملت رضوى العوضي رسالتها الحزينة قائلة: "ليه كل ده يحصل علشان اب وام مربوش مكانوش فاضيين لابنهم ولا علموه غير انه يقل أدبه بالفاظ... وبفيديوهات على صفحته وهو بيطير بعربية بيفتخر بعداد سرعة سواقتها يخوف ويرهب الاطفال والكبار في مدينتي"

واختتمت رضوى العوضي رسالتها فقالت: "القصة مش يوسف ابنى بس لا في الف يوسف لو سيبت حق ابني يبقى بضيع حق الف ام غيري.. ادعوا والنبي ليوسف حبيبي هو محتاج دعواتكم"