مفاجآت في اعترافات والد قاتلة أمها ببورسعيد: حسين بعد ماقتل مراتي سرق خمسمائة جنيه وتليفون بنتي

حصلت "قضية رأي عام" على أقوال الشاهد الثاني، في قضية مقتل مشرفة عمال مستشفى بورفؤاد، على يد ابنتها "نورهان. خ" بالاشتراك مع صديقها جارها القاصر، داخل منزلها بحي الفيروز ببورسعيد، وهو زوج المجني عليها ووالد المتهم، وذلك من واقع نص تحقيقات النيابة العامة والتي أحالت أوراق المتهمة نورهان للمفتي، وإيداع المتهم حسين بدار الرعاية.

س/ ما علاقتك بالمتوفاه الى رحمة مولاها داليا سمير السيد الحوشي)؟
ج/ هي زوجتي
س/ ما معلوماتك بشان الواقعة محل التحقيق ؟
اللي حصل ان انا كنت في شغلي في شارع التجاري وبعد كده بنتي نورهان كلمتني وقالتلي انها كنت بتدي درس لواحد اسمه حمزه ولسه مخلصة وطالعة البيت وبعد كده في حد اتصل عليها من رقم غريب وقالها امك وقعت في الشارع واتنقلت لمستشفى بورفؤاد وان هي بعثت اخواتها احمد وادم الى المستشفى علشان يشوفوا امهم وبنتي قالتلي لما جالها الاتصال من الرقم الغريب ده هي رمت التليفون بتاعها وخمسين جنيه كانت معاها على الكتبة في الصالة وراحت بعدهم على المستشفى ولقيتها بتكلمني تاني وقالتلي انا لما روحت المستشفى ملقتهاش موجوده هناك وبعد كده لقيت فرد امن المستشفى اسمه فادي كلمني من تليفونه وقالي ان مراتك مجتش المستشفى قولتله يمكن تكون موجوده في البيت ونايمه وقالي انا بعت احمد ابنك ومعاه فرد امن من المستشفى رسي علشان يشوفوها موجوده في البيت ولا لا وخبطوا كتير على الباب ومحدش فتح قولتله طيب انا جاي في الطريق علشان اشوف في ايه وانا هروح الأول على الشقة افتح وادخل اطمن عليها اشوفها موجودة في الشقة ولا لأ وقبل ما اطلع الشقة لقيت شاب جارنا اسمه حسين عنده حوالي ۱۷ سنة قاعد جنب العمارة وحاطط ايده على وشه و بعد كده روحت على الشقة فتحت الباب بالمفتاح وسببت الباب مفتوح ودخلت ولما دخلت لقيت مراتي واقعه على الارض سايحه في دمها قعدت اصرخ وبعدها دخل بنتين صغيرين من سكان العمارة قعدت از عقلهم علشان ميدخلوش وقفلت باب الشقه لحد ما الجيران طلعت وبعد كده الشرطة جت وده كل اللي اعرفه

س/ متي وأبن حدث ذلك تحديدا ؟
ج / انا بنتي كلمتني الساعه ۱۰ مساءاً امبارح ۲۰۲۲/۱۲/۱٤ ولما وصلت البيت حوالي الساعه ۱۱:۱۰ مساءاً امبارح ۲۰۲۲/۱۲/۱٤ ولما دخلت شوفت مراتي كانت الساعه ۱۱:۱۵ مساء أ يوم ٢٠٢٢/١٢/١٤
س/ این كنت متواجد حال حدوث تلك الواقعه ؟
ج/ انا كنت على الفرش بتاعي في شارع التجاري والدقهلية
س/ من الذي قام بالاتصال بك بتاريخ ٢٠٢٢/١٢/١٤ الساعة ١٠:٠٠ مساءاً ؟
ج / بنتي نورهان خليل محمد
س / ما مضمون ذلك الاتصال ؟
ج هي قالتلي ان في حد اتصل عليها من رقم غريب وقالها امك وقعت في الشارع واتنقلت لمستشفى بورفؤاد
س/ ما التصرف الذي بدر منك عقب ذلك الاتصال ؟
ج/ لقيت فرد أمن المستشفى اسمه فادي كلمني من تليفونه وقالي ان مراتك مجتش المستشفى قولتله يمكن تكون موجوده في البيت ونايمه وقالي انا بعت احمد ابنك ومعاه فرد امن من المستشفى اسمه مرسى علشان يشوفوها موجوده في البيت ولا لا وخبطوا كثير على الباب ومحدش فتح قولتله طيب انا جاي في الطريق علشان اشوف الشقة لقيت شاب جارنا اسمه حسين عنده حوالي ١٧ سنة قاعد جنب العمارة وحاطط ايده على وشه وبعد كده في ايه وانا هروح الأول على الشقة افتح وادخل اطمن عليها اشوفها موجودة في الشقة ولا لا وقبل ما اطلع روحت على الشقة فتحت الباب بالمفتاح وسيبت الباب مفتوح ودخلت ولما دخلت لقيت مراتي واقعه على الأرض سايحه في دمها قعدت اصرخ وبعدها دخل بنتين صغيرين من سكان العمارة قعدت از عقلهم علشان میدخلوش وقفلت باب الشقه لحد ما الجيران طلعت

س/ وما الذي دعا المدعو فادي بالاتصال بك ؟
لأن ولادي احمد وادم لما وصلوا المستشفى يسألوا على امهم شافهم فادي ومرسي علشان هما افراد الامن الموجودين في الاستقبال وبلغوا ولادي ان امهم مجتش المستشفى وبعدها فادي اتصل عليا علشان يبلغني ان مراتي مجتش المستشفى
س/ وما التصرف الذي بدر منك عقب ذلك؟
ج / انا اول ما وصلت البيت فتحت باب الشقة ودخلت علشان اشوف مراتي في الشقة ولا لا وبعد كده لقيتها مرميه جوه اوضة النوم على الارض وسايحة في دمها التي ابصرت عليها زوجتك المتوفاه الى رحمة مولاها داليا سمير السيد الحوشي .
س / وما هي الحالة التي أبصرت عليها زوجتك المتوفاة إلى رحمة مولاها/داليا سمير السيد الحوشي للوهلة الأولى؟

ج/ كانت مرميه على الارض وسايحة في دمها وقعدت اقلب فيها علشان اشوف اللي حصلها ولقيت اصابات في راسها

س/ وما هو الاسم الثلاثي للمدعو حسين ؟
ج / انا معرفش
س/ وما هي علاقتك بالمدعو / حسين ؟
ج/ هو جارنا في العمارة رقم ۱۳۸
س/ وما الذي دعاك للاشتباه في المدعو / حسين ؟
ج/ علشان وانا طالع العمارة لقيته قاعد جنب العماره بالظبط وكان مقرفص وكان باين عليه التوتر واللي اكدلي لما شوفت تيشرت لونه ابيض ملطخ بالدماء المباحث ورتهوني وقالولي التيشرت ده بتاع مين واللي قالهم ان التيشرت بتاع حسين هو احمد ابني علشان حسين ده لما اشترى التيشرت عرضه على ابني علشان ياخد رايه
س / وهل توجد علاقة شخصية بين المدعو / حسين ، وزوجتك المتوفاه الى رحمة مولاها / داليا سمير السيد الحوشي ؟

ج/ لا هو كان صاحب احمد ابني بس سمعته وحشه في الحي وانا نبهت على ابني انه ميكلموش تاني ويبعد
س/ هل من ثمة علاقة شخصية تربط بين المدعو / حسين ونجلتك / نورهان خليل ؟
ج / لا
س / كيف تمكن المدعو / حسين من الدخول الى الشقة الخاصه بك ؟
ج انا معرفش بس انا عرفت من جارتنا مها اللي ساكنه في الدور اللى تحتنا ان مراتي نزلت تساعدها في حاجات في البيت وبعد كده جارتنا طلبت منها ارغفة عيش وطلعت ابنها الصغير خدت عيش وممكن تكون مراتي نسيت تقفل الباب
س/ هل من ثمة اثار اقتحام او عنف او كسر على باب منزلك ؟
ج/ لا انا فتحت بالمفتاح عادي بس الابواب عندنا ضعيفة ومره كان في تسريب غاز في العمارة ومراتي والعيال نزلوا في الشارع ونسيت مفتاح الشقة ولما جت تطلع حد من الجيران فتح باب الشقة بكارت كان معاه
س/ وما هو اسم ذلك الشخص الذي قام بفتح الباب الخاص بشقتك حال نسيان زوجتك المفتاح الخاص بمنزلك في واقعة تسرب الغاز ؟
ج / انا معرفش
س/ وما الذي دعا المدعو / حسين الى ارتكاب واقعة قتل زوجتك المجني عليها ؟
ج/ هو اكيد كان جاي يسرق
س/ وهل من ثمة مسروقات من الشقة الخاصة بك ؟
ج / هي مراتي كان معاها في شنطتها مبلغ خمسمائة جنيه والتليفون بتاع بنتي مكنش موجود نوعه شاومي ۱۱ برو
س/ وكيف علم المدعو حسين بوجود مبالغ نقدية بالحقيبة الخاصة بزوجتك ؟
ج/ علشان مراتي كانت سايبه الفلوس دي في شنطة وحاطها على التسريحة في غرفة النوم
س/ این كانت توجد الحقيبة الخاصة بزوجتك تحديداً؟
ج/ كانت موجودة في غرفة النوم الخاصة بنا على التسريحه
س/ وما تعليلك عدم وجود بعثرة لمحتويات الشقة ؟
ج/ انا معرفش
س /من تتهم تحديداً في واقعة مقتل زوجتك المتوفاه الى رحمة مولاها داليا سمير السيد الحوشي؟
ج/ انا بتهم المدعو / حسين س/ بما تتهم المدعو / حسين تحديدا ؟
ج/ انا بتهمة بقتل مراتي / داليا سمير السيد الحوشي وسرقة التليفون الخاص ببنتي / نورهان و مبلغ مالي ۵۰۰ جنيه مملوكين لمراتي
س /وعلى اي اساس تتهم المدعو / حسين في قتل زوجتك ؟
ج /انا لما شوفت حسين قاعد تحت العمارة والتيشرت بتاعه اللي كان عليه دم
س/ هل من ثمة علاقة او خلافات بينك وبين المتوفاه الى رحمة مولاها داليا سمير السيد الحوشي ؟
ج / لا
س/ هل من ثمة علاقة او خلافات بين المتوفاه الى رحمة مولاها داليا سمير السيد الحوشي وبين احد ؟
ج / لا
س/ هل ابصرت المدعو / حسين حال ارتكابه تلك الواقعه ؟
ج/ لا
س/ صف لنا محل حدوث الواقعة ؟
ج / العمارة عبارة عن ست ادوار كل دور فيه اربعة شقق كل شقتين جنب بعض يمين وشمال وفي النص في باك بيبص على مدخل العمارة وشقتنا في الدور الثالث علوي على يمين السلم شقة ١٥
س/ كم عدد الشقق المأهولة بالسكان في المبنى السكني ؟
ج/ ١٥ شقة فيهم سكان والباقي لسه مسكنش
س/ هل لديك اقوال اخرى ؟
ج/ لا