السيسي يطمئن المصريين: أنا مش خايف وربنا موجود.. ندير الأمور بإخلاص

طمأن الرئيس عبدالفتاح السيسي، الشعبَ المصريَ، قائلا: "أنا مش خايف حاجة ربنا موجود، وهو موجود وقادر"، وذلك في كلمته خلال افتتاحه عدد من المشروعات التنموية، نقلتها قناة اكسترا نيوز.

ليرد جمع من الحضور، قائلين: "ربنا يحميك"، ورد رئيس الجمهورية: "ويحمينا كلنا".

وواصل الرئيس السيسي حديثه قائلا: "لسه كنت بقول للسيد المستشار والد الشهيد ووالدته، الذي توفي أبنائهما في عام 2013 أثناء محاولة تخريب الدولة وتدميرها كلها هو مش في دول تانية مازالت متضررة من اللي حصل وتعاني منه ومعرفتش تتجاوز ده، طب هو اللي عمل كده في مصر مين؟! اوعى تقول أنا، لأ، هو .. هو، ربنا".

وتابع: "كنت شايف كويس أوي ايه اللي ممكن يحصل، وشايف الخطر والترتيبات بفضل الله سبحانه وتعالى، الكل بيحاول بلده ويضحي، لكن ربنا أراد إن الدولة دي بناسها وكل شهيد من كل أسرة مصرية يكون هو الساتر والحاجز والذي يقدم كل نفسه عشان نكون كلنا بخير وسلام، وبعد ما نجينا من ده كله حد يبقى قلقان من حاجة تانية؟! ممكن؟ لا مش ممكن".

وواصل: "ندير الأمور بإخلاص وأمانة وشرف في وقت عزّ فيه الشرف"، وقاطعه أحد الحضور قائلا: "والله العظيم بنحبك"، ليرد الرئيس: "وإحنا بنحبكم، بس اسمعوا، اوعوا حد فيكم يقلق أو يخاف من بكرة، بكرة بفضل الله هيبقى أحسن من النهاردة ولازم تبقوا متأكدين من كده".