صرخاتها هزت الحي بالكامل.. جارة داليا الحوشي تكشف اللحظات الأخيرة لحياة سيدة بورسعيد

كشفت جارة داليا الحوشي، لـ"قضية رأي عام"، اللحظات الأخيرة لحياة سيدة بورسعيد ، وعلاقة نورهان خليل قاتله والدتها ببورسعيد، مع الطفل حسين.

وكان قد نشر موقعنا "قضية رأي عام"، أقوال مها عبد الرازق عبد المنعم الحداد، التي لم تتجاوز الـ ٤١ سنه، وتعمل ربة منزل، في قضية مقتل مشرفة عمال مستشفى بورفؤاد داليا الحوشي، على يد ابنتها "نورهان. خ" بالاشتراك مع صديقها جارها القاصر، داخل منزلها بحي الفيروز ببورسعيد، وذلك من واقع نص تحقيقات النيابة العامة والتي أحالت أوراق المتهمة نورهان للمفتي، وإيداع المتهم حسين بدار الرعاية.

س/ ما علاقتك بالمتوفاه الى رحمة مولاها / داليا سمير السيد الحوشي ؟

ج/ هي جارتي

س/ منذ متى وانت على معرفة بالمتوفاه الى رحمة مولاها / داليا سمير السيد الحوشي؟

ج/ اعرفها من حوالي سنة و وستة اشهر علشان سكنوا معايا في العمارة
س/ ما معلوماتك بشان الواقعة محل التحقيق ؟

ج/ اللي حصل بتاريخ ١٤/ ۱۲ / ۲۰۲۲ الساعة ٥ مساء أنا كنت موجودة في البيت وبعت أبنى حمزة للمتوفاة إلى رحمة مولاها داليا سمير السيد الحوشى علشان تنزل تساعدنى أنى أدخل نيش كان حد أدهولي علشان تساعدني أنى أدخله داخل الشقة عندى وهى قالتلي احنا مش هنقدر ندخله وطلبت منى حتة جبنة فقولتلها عندى بس عليها لانشون فقالتلى مبحبوش وقالتلى معندكيش حاجة حادقة فقولتلها عندى وأدتها زيتون وأكلت منه وأنا قولتلها أني نسيت أجيب عيش النهاردة فقالتلي أنا عندى وأخدت أبنى حمزة معاها وأديته خمسة أرغفة وقبل ما تطلع قالتلى المفروض تركب كاميرات في العمارة اللي ساكنين فيها فقولتلها العمارة عندنا متعاونة وبعد كده أنا نزلت مع سلفى علشان أبيع الدراجة النارية بتاعت زوجي المتوفى الواحد كان عايز يشتريها ورحت معاه لحد عمارة ۱۰۹ وشاف الدراجة النارية وأتفقت على شرائها وأعطانى خمسة الاف جنيها وبطاقته وبعد : رجعت على العمارة حوالي الساعة ٨,٣٠ مساء ولما رجعت لقيت ولادها أحمد ، ادم قاعدين على سلم العمارة وطلعت شقتى وحوالي الساعة 9 مساء لقيت خبط جامد على باب شقتى من أبنها أحمد وكان معاه فرد أمن من مستشفى الحياة وبيقولى مشفتيش أمى قولتلها مشفتهاش من ساعة لما كانت معايا الساعة ٥ مساء وقالي أصل في حد كلمنا وقال أن أمي وقعت وودوها على المستشفى وبعدها بحوالی ۳ ساعات سمعت صوت صريخ جای من الشقة بتاعتها فطلعت جرى علشان أشوف في أيه وقعدت أخبط على الباب لحد ما زوجها فتح وقالي أنا مراتي وبعد كده أنا داخلت بصيت عليها فلقيتها على الأرض والدماء تسيل منها فخرجت من الشقة رقم ١٣ بتاعت تامر العجمي وقولتله على اللى حصل وبعد كده صرخت والناس أتلمت وبلغوا الشرطة والشرطة جت.

س / متي وأين حدث ذلك تحديدا ؟
ج / أنا شفتها يوم ۲۰۲۲/۱۲/۱٤ الساعه ٥ مساءاً بالعمارة اللى أنا ساكنة فيها بالشقة رقم ١٥ بالعقار رقم وبعد کده داليا نزلتلى وفضلت واقفة معايا لحد الساعة ٥,١٥ مساء وبعد كده طلعت شقتها وخدت أبنى معاها وأدتله خمسة أرغفة عيش ولما أبنها أحمد خبط عليا علشان يسألني على أمه حوالي الساعة 9 مساء ولما
أتقلت سمعت صوت الصريخ كانت الساعة ۱۲ صباحا يوم ۱۲/۱٥/ ۲۰۲۲ .
س/ وماهو سبب ومناسبة تواجدك بالمكان والزمان سالفي الذكر ؟
ج/ انا كنت موجودة في شقتي .

س/ صف لنا محل حدوث الواقعة ؟
ج / العمارة عبارة عن ست ادوار كل دور فيه اربعة شقق كل شقتين جنب بعض يمين وشمال وفي النص في شباك بيبص على مدخل العمارة وشقة المجني عليها في الدور الثالث علوي على يمين السلم شقة ١٥

س/ كم عدد الشقق المأهولة بالسكان في المبنى السكني

ج / ١٥ شقة فيهم سكان والباقي لسه مسكنش

س/ ومن القائم بازهاق روح المتوفاه الى رحمة مولاها / داليا سمير السيد الحوشي ؟
ج/ انا معرفش

س/ هل من ثمة خلافات بين المتوفاه الى رحمة مولاها واي من الاشخاص ؟

ج/ ابداً

س/ ما الحالة التي شاهدتي عليها المتوفاه الى رحمة مولاها / داليا سمير السيد الحوشي؟
ج/ انا اول ما دخلت لقيتها مرميه على الأرض في اوضة النوم بلبس البيت وغرقانه في دمها

س/ هل توجد بالوفاه ثمة شبهه جنائية ؟

ج/ ايوة

س / من القائم بازهاق روح المتوفاه الى رحمة مولاها / داليا سمير السيد الحوشي ؟

ج/ انا معرفش

س/ هل من ثمة علاقة تربط بين نجلة المتوفاه المدعوه / نورهان خليل محمد عبد الله خليل - واي من
الاشخاص ؟

ج/ معرفش

س/ ماقولك فيما قرره المدعو / خليل محمد عبد الله واتهامه للمدعو / حسين بقيامه بقتل زوجته المتوفاه الى رحمة مولاها داليا سمير السيد الحوشي؟
ج/ معرفش

س/ وما تعليلك لما قرره المدعو / خليل محمد عبد الله ؟
ج معرفش

س/ هل ابصرتي المدعو / حسين عقب علمك بتلك الواقعة ؟
ج /ايوه انا لما صرخت وامي نزلتي شقتي شوفت حسين واخته ابتسام ونجاة بنت عمته طالعين بيقولوا في ايه

س/ هل كان المدعو / حسين والمدعوه / ابتسام والمدعوة / نجاة - على علم بحدوث واقعة القتل ؟
ج / معرفش هما ظهروا لما انا صرخت والناس اتلمت

س/ هل لديك اقوال اخرى ؟
ج لا .