«كنت عاوزة اتخلص من أبني بأي شكل».. الاعترافات الكاملة لـ قاتلة طفلها بالشرقية

حصلت «قضية رأي عام» علي النص الكامل لاعترافات «سيدة الشرقية» المتهمة بقتل ابنها وتقطيع جثته إلى أجزاء، في منزلها بقرية أبو شلبي التابعة لنطاق ودائرة مركز شرطة فاقوس في محافظة الشرقية.

وقالت المتهمة، في اعترافاتها أمام جهات التحقيق: «أنا كنت مجوزة من والد ابني، وفي مشاكل بيني وبينه وبين أهله، وهي كانت مشاكل كثيره بسبب إن أمه كانت بتمسك سعد ابني وتقعد تضربه وتعوره في جسمه، وأنا مكنتش أعرف أعمل حاجة غير إني اشتكي له منها، فكان يروح ضاربني على دماغي وأنا كنت أسيبله البيت وبعدين أهلي رجعوني تاني، وكمان كان بيستنى الأيام اللي أنا مش موجودة فيها في البيت ويجيب ستات البيت، وكذا مرة أنا طلبت منه إنه يطلقني ومكنش بيرضى فرحت رفعت قضية في المحكمة واتطلقت منه».

وتابعت سيدة الشرقية: «أنا كنت مخنوقة من طليقي من كثر ما بياخد سعد مني، وكان دايما يقولي إنه مش حيجيبهولي تاني، وكان لما بيشوف سعد بيلعب في الشارع مع أصحابه يقعد يزعقله، وكان سعد بييجي يشتكيلي من اللي بيحصل معاه، فأنا كنت حاسة إني مش قادرة أعمله حاجة، وكمان سعد كان دايما يقولي يا ماما أبويا حرامي، ومش عاوزه ياخدني، ومش عاوز أروح معاه، وكنت دايما أقعد أفكر أعمل إيه علشان أخلص من اللي بيحصل مع ابني ده، وبعد فترة من التفكير قررت إني هقتله علشان أريح نفسي وأريح ابني وأحرمه منه ومن تهديده وأخلص عليه».

وأضافت: «أنا كنت عاوزه اموت ابني، بأي شكل وعايزة أتخلص منه، و ضربته بالخشبة 3 ضربات على راسه وهو وقع على الأرض وكان لسه فيه الروح فقمت جايبة السكينة ودبحته، و هي راسه اتفتحت بس كان لسه فيه الروح تقريبًا، فرحت جبت السكينة ودبحته بيها في رقبته علشان أتأكد إنه مات، و أنا كنت عاوزه أموته، و هو ملحقش يعمل حاجه، و بعد ما دبحته قطعته بالسكينة اللي كانت معايا، وقتها أنا شديت سعد من الأوضة اللي بنام فيها بعد ما ضربته بالخشبة ودبحته بالسكينة، وقالت أنا كنت بربي طيور وكنت بدبحها عادي وبعرف أدبح، و دايما بستخدم السكينة دي في دبح الطيور، وقعدت حوالي ساعتين أو أكثر اقطع فيه».