نهاد أبو قمصان عن صاحبة الفستان الأزرق: «بتفكرنا بالرقص الأصيل..و اللي بيحصل ده تنمر وتحرش »
علقت المستشارة نهاد أبو قمصان، عضو المجلس القومي لحقوق الإنسان على الفيديو المنتشر لفتاة ترقص في فرح صديقتها وهي ترتدي فستان أزرق.
وذكرت نهاد أبو قمصان خلال صفحتها بـ تيك توك: «حد بيقولي إنتي متابعة البنت أم فستات أزرق، وأنا معرفهاش ففتحت الفيديو لقيت بنت قمر بترقص في فرح صاحبتها بمنتهى التلقائية والسعادة، والفرجة على الفيديو مبهجة جدا، لأنها بترقص الرقص المصري الأصيل».
وأوضحت أبو قمصان: شوفت كمية انتقادات وقحة للفتاة، والتعليقات كلها مش كويسة، والحقيقة أعداء الفرحة دول، ميعرفوش أن الرقص أداة من أدوات التعبير، وفي الحقيقة المصريين أصلا دايما بيعبروا عن فرحهم من خلال الرقص، وانتوا بتعاقبوها عشان محجبة.
وأشارت عضو المجلس القومي لحقوق الإنسان: «فيه دراسة عن التحرش بتقول أن معظم البنات إلي بيتعرضوا للتحرش محجبات، لأن يوجد قناعة بأن المحجبات فريسة سهلة عن غيرهن، وفيه شاب قالي بخاف من غير المحجاب لـ تضربني.. والبنت إلى اتهاجمت ديه ملهاش ظهر، لكن لو طلبت مني هقدم لها بلاغات وهجيب حقها هعمل كده، والشباب اللي بتاهجم البنت حجتهم أنها طالما نشرت الفيديو حقها تتشتم، لكن اللي بيحصل ده تنمر وتحرش، وعقوبة كل ذلك تصل إلى 5 سنين سجن».
وفي نهاية الفيديو وجهت نهاد أبو قمصان رسالة دعم للفتاة فقالت، كنتي قمر ومبهجة، وصاحبتك قمرين، ومبهجين وربنا يسعد قلبكم،مؤكدة, عاوزك تتواصلي معايا عشان نربي الناس ديه.
