طلاب تجارة الإسكندرية يصرخون: انقذوا طلبة لائحةالساعات المعتمدة

أرسل أحد الطلبة بكلية التجارة جامعة الإسكندرية استغاثة لموقع قضية رأي عام شكوى محتواها:«إحنا دخلنا اول سنة في الكلية مكناش نعرف يعني ايه mcq قولنا ماشي هنتعود عليه وفعلاً اتعودنا قالولنا انتو نظام gba غير اللي اللائحة القديمة ودخلنا طب يعني ايه لاقينا اني مفيش حد فاهم النظام اصلا ولا حد فهمنا اي حاجة خلصنا اول سنة ولاقينا ناس معدية صافي شايلوها مواد لمجرد ان الgba بتاعها قليل شوية واللي قليل خالص اخد انذار واحنا داخلين علي عمانا اصلا مش فاهمين ايه دة ونتفاجئ اني احنا كدة قدامنا فرصتين لو الانذار متواصل».

واضاف:« لو مش متواصل ٣ يعني هو انا ممكن اوصل رابعة وانا واقفة معايا علي انذار لو شيلته تيجي تقولي انت اتفصلت دة ضحك والله وبعد ما خلصنا واللي دخل سمر جينا نسجل المواد في ناس سجلت اربع مواد بس اجباري عشان الgba بردوا قليل طب تمام سجلي بقي مواد تانية لا لازم تاخد مواد تحسين مواد أنا ناجحة فيها طب ليه مساجلش المواد الي لسه معرفش عنها حاجة الاول وقولنا ماشي وكل حاجة بيجبرونا عليها بيجبرونا نمضي علي الانذار عشان يفتحولنا مواد والإ لو ممضناش مش هيخلونا نسجل حاجة بيجبرونا نسجل 4 مواد بس من أصل 6 مواد بيجبرونا نسجل مواد تحسين إحنا ناجحين فيها عشان تعلي الgpa».

واوضح:« غير كده ال gpa بتاعك مش هيتهز ولا هيتحرك من مكانة بل بالعكس هيقل إنما مش هيزيد طب ما فيه لائحة قديمة مطبقتش عليها نظام gba مطبقش عليا انا كمان نظام جديد يعني احنا مش قادرين وبنعافر وعلي اعصابنا وكام واحد ايده علي قلبه خايف بعد مادخلها يطلع منها بعد ماتعب يبقي عاش حياته عشان يتخرج من الكلية وف الاخر يتفصل منها عادي جداً طبعا دة نظام فاشل اللي ينهي حياتك كدة».