«أنا نرجسي ومغرور».. عمرو مصطفى يُطالب بعدم ذكر اسمه مجددًا
أعرب الفنان عمرو مصطفى عن حزنه الشديد بسبب الهجوم عليه من أصدقائه، مطالبًا منهم عدم الزج باسمه في البرامج التلفزيونية.
ونشرعمرو مصطفى عبر حسابه الشخصي بموقع التواصل الاجتماعي فيسبوك: انا نرجسي انا مغرور، انا منفصل عن زمايلي وفي حالي ومش بكلم حد في الوسط ارتاحوا بقي وبطلوا تذكروا اسمي في كل مكان.
وأوضح: اقعدوا اعملوا لجان في كل حته تطلع تشتمني وبرامج مخصوص لمهاجمتي كل ده لاني لازم اكون منافق واشكر في ناس منافقه علشان صورتي تكون كويسه قدام الناس طيب انا عايز صورتي تكون وحشه ارتاحوا بقي.
رامي جمال ينتقد عمرو مصطفى
وفى وقت سابق, انتقد الفنان رامي جمال التصريحات التي يطلقها الفنان عمرو مصطفى بخصوص زملائه.
وقال رامي جمال خلال استضافته في برنامج "حبر سري"، الذي تقدمه الإعلامية أسما إبراهيم عبر قناة القاهرة والناس: "في نوع من النرجسية أنا مش بحبه، وفي فرق بين إنك واحد من الملحنين العباقرة اللي التاريخ مش هينكرهم، لكن لسة مين مزعلتوش؟"
تصريحات رامي جمال
وقال: "كفاية، عاب في كل زمايله، ولما تعيب في زمايلك إنت بتعيب في مهنتك، وأنا شايف إننا نكبر بعض أحسن".
واكد: "أنا عارف إنه أطيب من الطيابة، لكن الناس العادية بتشوف مشاكلنا، ليه نصدر لهم إننا مش بنحب بعض".وعلق رامي جمال على تصريح سابق لعمرو مصطفى قال فيه "أنا المبدع والمطرب أداة" بقوله: "أعوذ بالله، مفيش حاجة في الدنيا متوقفة على شخص، والملحن من غير شاعر وموزع شاطر أداة، والمطرب الشاطر اللي سماه أداة هو الفترينة، من غيرها مكانش هيبقى قاعد يتكلم إنه ملحن شاطر".
