”من 15 سنة”.. “اتخانقت مع مرتضى بسببك”.. عمرو أديب يوجه رسالة لـ ميدو.. اعرف الحكاية

وجه الإعلامي عمرو أديب، رسالة إلى أحمد حسام ميدو، نجم الزمالك الأسبق، على خلفية حديثه الأخير بشأن الخلاف بين الإعلامي ومرتضى منصور.

قال عمرو أديب في تصريحات تلفزيونية: “ميدو طلع من كام يوم بيقول اصل انت عندك مشكلة مع مرتضى منصور، وأنا بقوله مشكلتي مع مرتضى منصور، بدأت بسببك فاكر ولا أفكرك، لما قالك أنا هعلقك من رجلك في الاستوديو لو طلعت مع عمرو أديب”.

أوضح “أديب”: ” في اليوم ده أنا تحملت المسئولية، وطلعت معايا، فاكر هو قالك عليك أيه ساعدتها، وأنا اتخانقت معاه بسببك أنت”.

وأضاف: ” فاكر بعد كدا لما كلمتني وقولتلي يا عمرو أنا هتصالح مع مرتضى، أصله كل شوية بيشتمني، وأنا داخل وخارج من البلد، قولتلك خلاص يا ميدو براحتك”.

تابع: ” أنا بس بقول أن مشكلتي مع مرتضى من 15 سنة، كان سببها في الأساس، ميدو اللي ناسي دلوقتي أيه سبب مشاكلي مع مرتضى منصور”.