الناس تاخد بالها كويس.. عائشة بن أحمد تستغيث من العيادات البيطرية.. بسبب قطتها!
استغاثت الفنانة عائشة بن أحمد من عيادات معالجة القطط والكلاب، جاء ذلك من خلال منشور لها عبر خاصية الاستوري بحسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”.
ونشرت عائشة بن أحمد: لوسمحتوا حاولوا تسألوا كويس قبل ما تودوا كلابكم أو قططكم لأي عيادة أنا قططتي عيانة أوي وبيتعالجوا وبايتين من 3 أسابيع في عيادة، 3 أسابيع وكل ما يقولوا لي أنهم خفوا أرجعهم البيت.. تاني يوم اكتشف أنهم لسه عيانين وفي كل مرة أرجعهم العيادة فيكتشفوا أن عندهم مرض جديد.
وأوضحت: غاية من يومين قالوا لي تمام وأنهم خفوا وبعدين رجعوا في كلامهم وقالوا لي لا في واحد بس اللي خف والتاني لا، فقررت أغير العيادة عشان حسيت أن قططي مش بتتحسن، وأن في استغلال مادي ونية مش كويسة لما روحت لهم منهارة وعايزة اخذ القطط فجأة قالوا لي على فكرة هما الاتنين كويسين وكنا هنقولك تمام روحي بيهم الاتنين.
هذاوقد, أختتمت عائشة بن أحمد قائلة: عملت لهم أشعة وتحاليل تانية لقيت أنهم تعبانين أوي شالوا لواحد فيهم القسطرة مع أنه لسه محتاجها فركبوا له في العيادة الثانية، وحدة تانية النهاردة، انتوا متخيلين هو اتعذب قد ايه لا بياكل لا بيشرب، والتانية حرارتها 41 وحالتها خطر وبرده ما بتاکلش وما بتشربش من 3 أسابيع وأنا عايشة الكابوس ده ما كنتش عايزة اكتب ولا أحكي، لحد بس لازم الناس تاخد بالها كويس أوي وتسأل كويس قبل ما تودي حيواناتها لأي عيادة.
