قضية رأي عام تنفرد بالتحقيقات.. أحمد شحته بصّم طبيب الساحل وهو ميت وركبله قسطرة في عضوه الذكري

ينفرد موقع "قضية رأي عام" بنشر التحقيقات في قضية طبيب الساحل، وجاءت اعترافات المتهم الثالث، أحمد فرج، مساعد الطبيب أحمد شحتة المتهم الأول في الواقعة:

قضية رأي عام تنفرد بالتحقيقات في قضية طبيب الساحل

بعد ما أسامة صبور طبيب الساحل أغمى عليه من المخدر، أحمد شحته طلع كيس أسود من جيب الدكتور وقلبه وخد محفظته بالفلوس والكروت اللي فيها حطها في جيبه وجاب صباع من ايد الدكتور وحطه على التليفون علشان يفتحه بالبصمة وفتحه واخد منه أرقام معرفش أرقام مين، وقلب في قايمة الأسماء المُسجلة على تليفون الدكتور أسامة صبور طبيب الساحل.

قضية رأي عام تنفرد بالتحقيقات في قضية طبيب الساحل

وأضاف: فضلنا قاعدين في الشقة دي اللي هي أبو وافية حوالي 5 أو 6 ساعات، وبعتني أجيب محلولین ملح وجهاز وريد من صيدلية جنب الشقة وجبتهم، ورجعتله تاني راح معلق للدكتور محلول الملح دا بجهاز الوريد وهو نايم على السرير، وقعد يدي الحقن في محلول الملح وفضلنا على نفس الحال، وازازة صغيرة أوي فيها مادة سايلة لونها أزرق بيسحب منها بحقنة وينقط بيها في بوء الدكتور أسامة صبور طبيب الساحل.

قضية رأي عام تنفرد بالتحقيقات في قضية طبيب الساحل

وتابع الممرض في قضية طبيب الساحل: على الساعة 12 بليل قالي أنا رايح 10 دقائق وجاي حجيب شوية حاجات بسرعة، ومعرفش راح فين ورجع على طول لقيته طلع تليفون الدكتور وحاطه تحت الحنفية قدام الحمام وكسر التليفون برجله وطلع منه البطارية، ولملم فوارغ الحقن كلها اللي كان بيديها للدكتور أسامة صبور طبيب الساحل، وحطهم في كيس بلاستيك أسود وجوا الكيس دا برضه التليفون بعد ما كسره خالص، واداني الكيس دا وقالي روح ارمي الكيس دا في مقلب زبالة عند سنتر شاهين، وفعلًا رحت رميت الكيس عند مقلب الزبالة ورجعت.