شاهد .. السيسي: ست البيت هي اللي ساعدت مع الوطن فى الوضع الحالي

أكد الرئيس عبدالفتاح السيسي، أن المرأة سبب أصيل لحالة النجاح التي نشهدها والأحداث التي مرت بها خلال السنوات الماضية كانت فيها المرأة صانعة ومحركة للأحداث .

وأضاف السيسي خلال كلمته في تكريم المرأة المصرية، اليوم الأربعاء، أن "ست البيت هي اللي ساعدت مع الوطن فى الوضع الحالي”، لافتا إلى أن هناك ظروفا قاسية جدا مرت على مصر، ولكن بدعم المرأة المصرية مررنا بها.

وأشار إلى أن توفيق الله سبحانه وتعالى السبب الرئيس في تحقيق نجاح قرارات الإصلاح الاقتصادي، مضيفا: " الناس ممكن تاخد قرارات كتير لكن يبقى في النهاية توفيق ربنا ودعمه للقرار هو ده الأساس والناس مستعدية تاخد قرارات طول الوقت لكن لما ربنا يوفق والناس تساعد معانا، الناس ساعدت، بتكلم على ست البيت اللى هي مطلوب منها تاكل وتشرب وتلبس هي اللى ساعدت مع الوطن، ولما أسجل ده وأقوله أنا واحد من الناس متعتبرونيش مسؤول كبير ولا حاجة".

وواصل السيسي أنه :" واحد من المجتمع بسمع وأشوف الست بتعمل إيه؟ زى كل بيت من بيوتنا، واللى بيحصل فيها تجد في الاخر الست هي اللى بتشيل بقول بإنصاف.. بتكلم في حالة مش استثناء."