عفاف مصطفى بعد رفض رامي إمام السماح لها بزيارة الزعيم: عايزين ننفى شائعة الزهايمر
كشفت الفنانة عفاف مصطفى، عن رفض المخرج رامي إمام نجل الفنان عادل إمام، طلبها بزيارة الزعيم ورؤيته والاطمئنان علي حالته الصحية في منزله.
وقالت خلال مداخلة هاتفية ببرنامج "حضرة المواطن" الذي يقدمه الإعلامي سيد علي بقناة "الحدث اليوم": "أرسلت العديد من الرسائل لرامي إمام للسماح لي بزيارة الزعيم ولكنه تجاهلها ولم يرد عليها مفيش حد مبيحبش الفنان عادل إمام وهو رمز كبير لنجوم الكوميديا وله مواقف عظيمة معايا ومع زملائي وعلشان كده انا متمسكة أقابله وأشوفه".
وقالت: "أنا على علم بزيارات بتحصله وعلشان كده حاسة أن مش شيء صعب أزوره في البيت وهو راجل مضايف وحبوب وبيحب اللمة حواليه، وحاسة إنه اتحرم من زيارة المحبين له".
وتابعت: "انا بنكش رامي إمام علشان عايزة اشوف عادل إمام وبطلب اشوفه ومش باحثة عن التريند، عادل امام مش ملك أسرته وبس ولكن ملك زملائه وجمهوره وعلشان ميطلعش عليه شائعات مغرضة إن عنده الزهايمر، معندهوش الزهايمر وهو بكامل صحته ووعيه ومعندهوش الزهايمر بدليل مكالمته مع شريف عامر"
