حقيقة تعرض لقاء الخميسي للخيانة الزوجية

كشفت الفنانة لقاء الخميسي، حقيقة تعرضها للخيانة في حياتها قبل زواجها من حارس منتخب مصر الأسبق محمد عبد المنصف.

لقاء الخميسي قالت في تصريحات تليفزيونية: تعرضت للخيانة مرة واحدة، من واحد كنت عارفة إنه يعرف بنات كتير، ولما عرفت بالخيانة سيبته، مش بواجه خالص، مش همشي وأنا مريحاه، مش لسه هقوله هو عمل إيه، هو يقعد يفرك يشوف هو عمل إيه، وأنا بختفي، وبيبقى الحد ده نفسه يعرف إيه اللي حصل، عاقب نفسك واقعد فكر.

وأوضحت أنها لم تتعرض لهذا النوع من الخيانة بشكل كبير، قائلة:على مدار حياتي متخانتش من أصدقاء كتير، لإني باخد بالي أنا بصاحب مين عشان بخاف أوي، وفيه ناس ضربت من تحت الحزام بس هما مش مهمين في حياتي.

وأضافت: وبرضو في ناس مهمين عملوا معايا كده وزعلت أوي واتأثرت ومكنتش مصدقة، ومردتش على الإهانة اللي اتقالتلي ومعاتبتش لإني عارفة من جوايا إني كبيرة، لو حد عايز حاجة ييجي يقولي لكن ميأذنيش في مشاعري، تعالي قوليلي سيبيلي الدور ده ونقعد ونتناقش، لكن هتلف من ورايا مش عايزة أعرفك تاني.

وتابعت لقاء الخميسي: ده حصل معايا كتير، بس بقيت بتسامح دلوقتي، ولما حد يأذيني وأنا أسامحه ده هيوجعه أكتر وضميره هيأنبه، وبرجع أبارك للشخص ده، وهو عارف إنه أذاني، يبقى هو اللي ضميره هيتأنب.

كما كشفت لقاء الخميسي، العديد من أسرارها الشخصية والفنية، وعلاقتها بعدد من نجوم الوسط الفني، قائلة: «نزلت القبر مع أحمد زكي، كان يوم صعب جدًا».

وتابعت لقاء الخميسي في تصريحات تلفزيونية لها: «عمري ما فكرت في الانتحار، وابني بيخليني أعيط كل يوم، وشايفة إن أي حد يضايقني يخبط راسه في الحيط وكل يوم بكلم نفسي، وبقول أنا لقاء الخميسي وبحبني، وبكلم ربنا».

واستكملت: «ودا حصل لأني بقيت أحب نفسي مؤخرًا، لأني مكنتش بحب نفسي زمان»، وفيما يخص قلة أعمالها الفنية خلال الفترة الأخيرة، علقت قائلة: «أخترت أريح وعمري ما قلت هي ليه واحدة زيي مبتمثلش؟!».

وأضافت لقاء الخميسي: «عمري ما ندمت على أي تصريح قلته، أنا طول الوقت بتهاجم.. وابني هو نقطة ضعفي، إحنا الاتنين نفس الحب، وهخلص منها قريب، هو قعد معايا فترة طويلة لوحدنا، كل حياتي صاحبي وأخويا عنده دلوقتي 18 سنة».

وتحدثت أيضًا عن ديانتها، موضحة أنها تعتنق الديانة الإسلامية عن طريق الوراثة، لكنها لم تُسأل عن أي ديانة تُفضل الانتماء لها، بسبب أنها ولدت وجدت والدها مسلمًا فورثت منه ديانته، مثلما ورثت جنسيته.

وقالت أيضًا: «إحنا بنورث ديننا، حد مبيورثش الدين من الأب، أنا مصرية بالوراثة ومسلمة بالوراثة، وأخدت دين أبويا، ولم أسئل أنا عايزة أبقى إيه، هل ده له علاقة من أني مصرية، هل دا تقليل من ديني؟!، أنا واضحة بشكل كافي ومش مجبرة أقول حاجة ليها معنى تاني، إحنا واخدين ديننا بالوراثة.. كان ممكن أصحى من نومي ألاقي أبويا مسيحي وأبقا مسيحية، أنا مخترتش الناس بتعاقبني ليه؟».

وتابعت لقاء الخميسي: «لو ليا جار مسيحي أنا مبحبوش بعقابه ليه؟، هو ماله هو صحي لقى أبوه مسيحي المفروض ينتحر أو أموته مثلا؟!، المسلميين والمسيحيين بالوراثة، أنا أنتيم عمري مسيحي، هل معناها أني أنا مسلم والمسيحين وحشين».

وقالت عن النقاب: «غير مذكور في القرآن، وعمري ما قلت إنه مُبتدع، ربنا قال وليضربن بخمرهن على جيوبهن، هي حتة قماشة على الصدر».

وأضافت: «الحضارة الأشورية هي الأقدم، ولم أقل إنها أهم من حضارتنا المصرية، عمري ما قلت إن الأشورية هي الأهم، ولا يعني ذلك أني أخطأت في حضارتي المصرية اللي أنا فخورة بها، مفيش حاجة تقلل من حضارة المصريين، أنا باسبوري مصرية وقخورة بيه».