أحمد فهمي: وانا عندي 20 سنة كنت بتدفى في تلاجة الخضار

تحدث الفنان أحمد فهمي عن فترة عمله بالولايات المتحدة الأمريكية عندما كان يبلغ من العمر 20 عاما وكيف أثر تلك التجربة على حياته فيما بعد.

وخلال لقائه مع الإعلامي أنس بوخش في برنامج ABtalks قال أحمد فهمي "لما روحت أمريكا وأنا عندي 20 سنة خدت شنطه ونزلت المطار الساعة 4 الصبح، وكنت خايف لكن كان حد مديني رقم واحد شغال هناك كلمته واشتغلت معاه في محل فاكهة وخضار وكنت بكنس وبمسح، وأنا طبيعتي بكره البرد جدا فكنت بدخل في تلاجة الخضار عشان اتدفى لأن درجة الحرارة جواها أقل من الشارع.

وأضاف أحمد فهمي "اتعلمت إن أوحش حاجة في الدنيا هي الحوجة علشان كدا عمري ما بكسف حد محتاج مساعدتي أو أتعامل معاه وحش، عمري ما أقهر حد هو في احتياج ليا حتى بنظرة، وعمري ما أفكر إن حد شغال عندي عشان عيب جدًا، ودي كسرت الايجو جوايا وكنت شايف نفسي ناجح جدًا وقت الجامعة.. ولكن لما رجعت من أمريكا بقيت بفكر بشكل تاني خالص.".

وخلال اللقاء كشف أحمد فهمي عن سبب تأخره في إنجاب الأطفال رغم مروره بـ3 زيجات.

وقال أحمد فهمي إن الأطفال أخطر شيء يمكن التعامل معه مضيفا" الطفولة أهم مرحلة في حياة الانسان وخاصة من سن سنة لـ10 سنين أي حاجة بتحصلك في السن دا بتبقى زي خربوش في جسمك مش هيتغير علشان كدا تلاقيني متأخر في الخلفة لأن التعامل مع الطفل دا أخطر حاجة ممكنة".

وتابع أحمد حلمي متحدثا عن طفولته " في حاجات سلبية حصلت في طفولتي لكن دلوقتي فهمتها، كل شخص فينا جواه طفل لازم يعرف يتعامل معاه ".

ووصف أحمد فهمي طفولته بكلمة واحدة "لا تراجع ولا استسلام"، مشيرا إلى أنه كان يسكن في منطقة شعبية ويرتاد مدرسة مميزة لذا خلق لنفسه شخصية تتماشي مع كل الفروق والعقليات.

وكشف أحمد فهمي أن أصعب شيئين في طفولته هما الحب المشروط والمقارنة بغيره من الاطفال.

ويعد هذا هو الظهور الإعلامي الأول لأحمد فهمي بعد طلاقه من الفنانة هنا الزاهد.

وكانت هنا الزاهد أعلنت طلاقها من أحمد فهمي بعد زواج استمر 4 سنوات.

يذكر أن أحمد فهمي يظهر ضيف شرف في مسلسل "بطن الحوت".

مسلسل "بطن الحوت" مكون من 15 حلقة وبطولة محمد فراج، باسم سمرة، أسماء أبو اليزيد، سماح أنور، عبد العزيز مخيون، يوسف عثمان، حسام الحسيني، بسمة، زينب غريب، حسن أبو الروس، ترنيم هاني، سارو شديد ومن ضمن ضيوف الشرف تامر حبيب، أمينة خليل، وأحمد فهمي.