بسبب فيديو المطبخ.. إنجي حمادة في التحقيقات: « جالي حالة هستيرية وقطعت ايدي لحظة القبض عليا»

كشفت الإعلامية إنجي حمادة المذيعة المغمورة أثناء التحقيق معها في اتهامها بنشر فيديوهات مخلة الكثيير من المفاجأت، خاصة وأنها تحرض على الفسق والفجور مع التيك توكر كروان مشاكل، وذلك في المحضر رقم 17401 لسنة 2023 جنح التجمع الأول.

وقالت المذيعة إنجي حمادة بالتحقيقات: اللي حصل امبارح 2023/11/26 حوالي الساعة 9.30 م كنت في بيتي بالتجمع الأول، وكنت بعمل لايف على التيك توك وبعدين لقيت الباب بيخبط وبصيت من الكاميرات عندى لقيت حد واقف على الباب، فرحت على الباب وسألت أنت مين، قالي مباحث وسألته عايز مني ايه قالي عايزينك تيجي معانا، فأنا فهمت إن هو بسبب موضوع الفيديو اللي انتشر على التيك توك، وكنت ظاهره فيه أنا وكروان لأن الفيديو اللي نزل عمل ضجة وناس كثير اتكلمت عليه وأولهم الصحفيين.

وتابعت إنجي حمادة قائلة: جاتلي حالة هيسترية، وقعدت أقول له هاتوا اللى شير الفيديوا متخدونيش أنا، وفضلوا يخبطوا على البيبان وأنا جريت على المطبخ جبت سكينة وعورت نفسي في إيدى الشمال، لإني معملتش حاجة بسبب الحالة اللي كنت فيها وبعدين كسروا الباب ودخلوا خدوني وودوني المركز الطبي، والدكتور كشف عليا وخيط الجرح 8 غرز اللي في أيدى.

وأكملت إنجي حمادة: الدكتور كتب تقرير بالحالة وبعدين خدوني على الإدارة هناك في واحدة فتشتني ملقتش معايا حاجة، وبعد كده عرضوني على النيابة وهو ده كل اللي حصل.

وقررت جهات التحقيق حبس سماح مصطفى، المعروفة بـ إنجي حمادة، 4 أيام على ذمة التحقيقات، بتهمة التحريض على الفسق والفجور، والخروج عن عادات وقيم المجتمع المصري.