بوسي: كان بيترمي على نمرتي 200 ألف جنيه في شارع الهرم

قالت المطربة بوسي إن زوجها الراحل، الذي تولى إدارة أعمالها في مرحلة مبكرة من مسيرتها الفنية، لجأ للسحر للسيطرة على تصرفاتها، وإقناعها بالزواج منه.

وأضافت خلال لقائها مع الإعلامية بسمة وهبة في برنامج "العرافة" المذاع عبر قناتي المحور والنهار: "كان مشغلني في شارع الهرم وبينحت باسمي، والمفروض إني غير أجري وأجر فرقتي أحصل على نسبة من الفلوس اللي بتترمي علينا، لكن كنت باخد 400 جنيه في النمرة، وهو الباقي".

وردا على سؤال عن المبالغ التي كان يتم رميها على الفرقة، قالت بوسي: "أقل واحد في الصالة كان ممكن يرمي 5 آلاف جنيه، يعني بترمي علينا 100 و 200 ألف جنيه، شوفي نسبتي تطلع كام".

أوضحت بوسي أنها كانت عاجزة عن التصرف بإرادتها الكاملة في تلك الفترة قائلة: "بالبلدي أنا كنت ماشية بلا إرادة، في سحر وأعمال قذرة اللهم احفظنا، وده اللي إتجوزني بيه، وإلا كان هيسيطر عليكي إزاي".

يذكر أن الفنانة بوسي أعلنت في تصريحات سابقة ندمها على العمل في شارع الهرم قائلة: "مقلتش شغلي في شارع الهرم تنازل لكن ندمانة على الشغل في شارع الهرم لكن هو علمني اتعامل مع الناس وخلاني عندي خبرة في التعامل، بصراحة مكنتش حابة أشتغل في الأماكن دي والأماكن دي مش شبهي وشفت فيها حاجات كتير ولكن كنت عيلة صغيرة وباكل عيش"، حسب لقائها في برنامج "حبر سري" الذي تقدمه أسما إبراهيم.

وتابعت: "كنت مش عايزة استمر، وكنت مجبورة على الشغل وشغالة بالإكراه، واضربت عشان أنزل الشغل وتعرضت للإهانة، وبحمد ربنا إن ربنا لسه مخلي فيا عقل من اللي شوفته".