«أرفض حفيدتي تشتغل رقاصة».. أبرز تصريحات لـ فيفي عبده في حبر سري

أستضافت الإعلامية أسما إبراهيم، الفنانة فيفي عبده في حلقة جديدة من برنامج حبر سري على قناة القاهرة والناس.

وتستعرض «قضية رأي عام» ، خلال السطور التالية ابرز التصريحات الجريئة للفنانة فيفي عبده، والتي جاءت كالتالي:

- بشتري كفني كل سنة ومكتبتش وصية واللي يموت يصرف لآخر مليم

- وأولادي عندهم قناعة بالرزق ورأي اللي يموت ميسبش حاجة ويصرف لآخر مليم

- القرش احنا اللي بنجيبه مش هو اللي بيجيبنا وصحتنا أهم حاجة

- الناس عماله تفلسع ولازم افكر في التربة وفجأة تلاقي الناس كتير بتموت وكل أسرة فيها ناس تموت

- كل يوم يتقدم لى عرسان لكن أنا ست متجوزة ولو وحيدة اتجوز

- أنا فرحت جدا بظهور نجاة واللي بيبطل شغل بيتنسي ولو أنا مش في الميديا كنت اتنسيت

-أنا بحب شغلي وصاحية لشغلي وعارفه ازاي ابقى موجودة.

- كل الرجالة بتخون زوجاتها والست لما تعرف لازم تنطش

- لازم يكون الراجل عنده نزوات وبتبقى قمر وتتخان والمفروض تعمل نفسها مش عارفه.

- الست لو واجهت الراجل بخيانته أكبر غلط لها في الحياة

- الراجل لو بيحب مراته يبيع أي حاجة في الدنيا عشانها لكن هي لازم تستحمل وتعدي

وكان في ناس تحاول تشككني في جوزي ولكن مكنتش بعطي فرصة لكده.

- أرفض حفيدتي تشتغل رقاصة واتبهدلت عشان أوصل لمكانتي

- الرقص أيامي كان حاجة تانية وكان في احترام وكل الناس اللي قعدة تشاهد العروض

- الرقص الشرقي كان زمان له جمهور وقيمة عن دلوقتي وعشان كده متقليش ولا راقصة مصرية الان

- مصر كانت مليانة راقصات ودلوقتي وكفاية المهاجمة للرقص طوال الوقت