ماجد الكدواني: الكدب بيخوفني.. ولو كريم عبد العزيز قلع الجزمة وضربني بيها هسامحه

تحدث الفنان ماجد الكدواني، عن علاقة الصداقة التي تجمعه بالفنان كريم عبد العزيز، منذ 24 عاما، بجانب الكشف عن خوفه من الكذب بسبب والده.

وقال ماجد الكدواني، في لقائه مع الإعلامي عمرو أديب، والفنانة أصالة في بودكاست Big Time: كريم عبد العزيز حبيبي، الأمانة والصداقة، وساعات بنتكلم على التليفون لمدة 8 ساعات لأننا بنبقى جعانين مصداقية ومحتاجين نتكلم براحتنا، وسر علاقتي به أن مفيش رقابة ومفيش حساب ومحدش هيمسك على التاني حاجة.

وتابع: صداقتنا عمرها 24 سنة، ومراتي دايمًا تقولي ربنا يبعد عنكم العين، وكريم لو في يوم اتعصب عليا ولو قلع الجزمة وضربني بيها هسامحه علشان ميبقاش حسد، وشهادة قدام ربنا لو عمل فيا إيه هسامحه.

أما عن تخوفه من الكذب، فعلق ماجد الكدواني: أبويا كان بيعلمني الالتزام وبيحتويني وياخدني في حضنه، وضربني مرة واحدة في حياته لأني خبيت الشهادة لأن كان فيها كحكة، قالي أنا مش زعلان أنك ساقط ولكن أنك خبيت عليا، جاله حالة انهيار وكسر عليا شماعة خشب، لذلك الكدب بقى بيخوفني.

وعلى جانب آخر، يعتبر فيلم البعض لا يذهب للمأذون مرتين، هو آخر تعاون جمع الفنان ماجد الكدواني والفنان كريم عبد العزيز، وحقق العمل نجاحًا كبيرًا وقت عرضه، وشاركهم في البطولة كلًا من: دينا الشربيني، بيومي فؤاد، وعدد آخر من الفنانين، وتأليف أيمن وتار، وإخراج أحمد الجندي.