أحمد العوضي: أنا أذكى وأنزه من شائعات شككت في مسابقة «حق عرب» على السوشيال ميديا

قال الفنان أحمد العوضي، إنَّه أذكى وأنزه من الشائعات التي حاولت أن تشكك في المسابقات التي أطلقها على السوشيال ميديا للترويج لمسلسل «حق عرب»، موضحاً: «أدعى أصحاب هذه الشائعات أنني على صلة بمن فازوا خلال المسابقة».
وأضاف «العوضي»، في حواره ببرنامج «ع المسرح»، تقديم الإعلامية منى عبد الوهاب، والمُذاع على شاشة «الحياة»: «ربنا جعلني سبب أكسب أكتر من 200 شخص على مدار شهر رمضان ومن الصعب أني أعرف كل العدد ده ولو حد عشان ظروف صعبة عنده مش هاكسبه شفقة مني لأني لو حابب أساعده هيكون في الخفاء».
وتابع: «عهد بيني وبين ربنا أنه عمري ما هاكسب حد أعرفه وبقابل ناس كتير في الشارع منهم صاحب الكشك اللي بجيب منه حاجتي وصاحب السوبر ماركت ووارد يطلب مني ده.. يعني ميقوليش كسبني؟ ممكن أكسبه؟ بس إزاي؟ بأكد لكم معرفش أكسبه».
وأكد: «يوميا بيكون هناك نص مليون متسابق ورغم أني بحط السؤال وببعت الرسالة بإيدي وبكلم الناس بنفسي وببعتلهم المكان ع الواتساب بنفسي وكل حاجه متعلقة بالمسابقة بنفسي ولكن كما أكدت أني عاهدت الله «مكسبش حد أعرفه»، بختار أني أعمل scroll على الإجابات ولو طلع «فلان» بدخل على صفحته اتأكد أن البروفايل حقيقي، وأعمل نسخ لرابط الحساب ومن خلال رسالة له أطلب فيها يرسل رقم موبايله، وبعدها بكلمه بنفسي وأفرحه بأنه كسبان.