بدرية طلبة تكشف حقيقة دعوتها صاحب واقعة عزاء شيرين سيف النصر لحفل زفاف ابنتها

شاركت الفنانة بدرية طلبة جمهورها عبر صفحتها في موقع التواصل الاجتماعي إنستجرام مقطع فيديو من حفل زفاف ابنتها سلمى، ظهر بها الشاب صاحب واقعة عزاء الفنانة شيرين سيف النصر مع الفنان أحمد عبد العزيز.

ونفت بدرية طلبة قيامها بدعوة الشاب صاحب الواقعة إلى حفل الزفاف، وكتبت: "جماعه بعد اذنكم انا معزمتش حد انا فجاءه لاقيته في الفرح فيه ناس ماشيه بيه بيسترزقوا من وراه للاسف علشان ايه !!!! الله اعلم لكن انا فعلا لما شفته رحبت بيه وطبطبت عليه ودا الطبيعي انما هو منساق ورا ناس بتمشيه لمصلحتهم".

وأضافت: "ربنا يعافينا جميعا ويهدي المستغل اللي معندوش ريحة الدم اللي ماشي كدا بيه في اي مناسبه انا مش ناقصة تريندات ولا لفت نظر ولا هو دا اللي حكسب من وراه ترند عيب".