أول تعليق من شيرين عبد الوهاب على وصفها بصوت الكويت

علقت الفنانة شيرين عبد الوهاب، على وصفها بأنها صوت الكويت، بجانب الحديث عن جديد أعمالها الفنية.

وقالت شيرين عبد الوهاب خلال لقائها مع برنامج ET بالعربي: أنا لما بغنى في أي بلد بحس إني صوت البلد اللي بغنيلها، وده شرف كبير لو تسمحلي الناس أنا اديه لنفسي.

وعن جديد أعمالها الفنية، أوضحت شيرين عبد الوهاب: في أغاني معمولة لكن شركة روتانا المفروض اللي تنزلها ومش عارفه هتنزلها ولا ومعرفش موقفين الدنيا ليه، وكمان في 3 أغاني تانين جاهزين.

وحول نجاح حفلها الأخير في الكويت، ردت شيرين عبد الوهاب: أجمل من كده مشوفتش الحمد لله، استقبال هايل وعظيم، أهل الكويت شالوني من على الأرض شيل.

وكانت شيرين عبد الوهاب تألقت في حلفها الأخير بالكويت وسط حضور كامل العدد، وبدأت حفلها بالترحيب بالجمهور الكويتي قائلة: أنا سعيدة إني في وسطكوا النهاردة، وأنا النهاردة صوت الكويت، وبحس إن أنا صوت كل بلد بغنيلها، أنتم بتحسسوا الفنان إنه صوتكم فعلا وبيعبر عنكم شكرا شكرا ليكم من كل قلبي.

حفلات شيرين عبد الوهاب في الفترة المقبلة
وتستعد الفنانة شيرين عبد الوهاب لـ إحياء حفلا غنائيا بإسطنبول بدولة تركيا، إذ نشرت الهيئة المنظمة للحفل عبر حسابها الشخصي على موقع إنستجرام بوستر الحفل، معلقة: انتظروا أقوى حفلات الصيف، النجمة المصرية شيرين عبد الوهاب في مدينة إسطنبول يوم 3 أغسطس صيف 2024.