ريهام سعيد تعيد أزمتها مع الطبيب اللبناني بهذه الطريقة

أثارت الإعلامية ريهام سعيد، حالة جديدة من الجدل عبر حسابها الرسمي بموقع تداول الصور والفيديوهات «إنستجرام» بعدما عادت لفتح أزمتها مع الطبيب اللبناني نادر صعب خلال الساعات القليلة الماضية، وقامت بحذف جميع صورها.

وكتبت ريهام سعيد عبر حسابها على «إنستجرام»: «نادر صعب انت دمرت حياتي ده و لا عشان ميديا و لا قضايا انت لازم تعيش و انت فاهم انكً دمرت حياتي و مستقبلي أنا مسحت الصور القديمه لأني مش قادره أشوفها و أشوف اد ايه انت دمرتني و اد ايه أنا كنت جميلو».

وأضافت ريهام سعيد: « ولا قادرة أشوف صوري الجديدة لأني مشوهه و مش أنا، قريت تقرير الطب الشرعي؟ قريت ان في خطأ طبي؟ قريت اني مشوهة، حسبي الله و نعم الوكيل فيك ربنا ينتقم منك يا رب وأي حد بينصرك عليه، أنا ولا حسه اني ست و لا حسه اني عايزة اعمل حاجه أنا انتهيت وأنت السبب».

وتابعت: «وناس كتير قالولي، متمسحيش صورك عشان هتخسري متابعين، قولتلهم هيتابعوا واحدة مشوهة».

وأردفت: «أنا كده كده خسرت هويتي بعد ما ضيعت عينيه مفيش اغلي من كده هاخسر. ماعداش يوم من غير ما ابكي من الحزن علي الي انت عملته فيه. ذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ }:صدق الله العظيم. بقالي ٨ شهور يجري في القضايا».

وأضافت: «لسه ماوصلتش لحاجه بس أوعدك الحق راجع، وأكيد في يوم هاتحس انت عملت فيه ايه، أنا بستغيث باي دكتور شريف يقدر يحسن وشي مش للدعاية ولا المتاجرة بيه، يارب يرزقني بدكتور يحييني بعد ما نادر صعب موتني، أرجو أن التعليقات المجرحة علي شكلي تقف لأن مفيش فأيدي حاجه اعملها».