الترند خلص عودة عروسة كفر الدوار لخطيبها.. «مش هقدر أستغنى عن خطيبتي»

أكد «محمد»، خطيب عروس كفر الدوار، والمعروفة على السوشيال ميديا بـ«العروسة المغصوبة»، أنه لم يكن يتصور ما حدث وأن الفيديو تم نشره دون علمه أو موافقته.

وقال «محمد» خلال حديثها مع الإعلامية نهال طايل ببرنامج «تفاصيل» المذاع على قناة صدى البلد 2، إنه طلب من صاحب الكوافير تصويره عندما شاهد «نسمة» غاضبة، «أنا قولت له صورني علشان آخد الصور مش ينزلها على الإنترنت».

وأشار محمد، إلى أنه يحب خطيبته «نسمة»، ولم يكن غاضبا منها، «أنا بحبها والله ومقدرش استغنى عنها».

وأوضحت العروس أن خطيبها لم يخرج من بيته بعد انتشار الفيديوهات، موجهة حديثها لـ محمد: «حابة أصالح خطيبي وبقوله أنا آسفه على اللي أنا عملته معاك يا محمد أنا خطيبتك وحبيبتك لأن إحنا مش معرفة يوم وبعتذر له قدام الكل»

وتابعت عروس كفر الدوار، أن ما حدث سيكون أول درس في بداية حياتها: «أنا يا محمد بحبك قدام الناس كلها.. الفيديو خلى نفسيتنا زي الزفت ومش عارف يروح يشتغل ولا ينزل شغله».

وأشارت «نسمة» إلى أن الأمور كانت تسير على ما يرام إلى أن قام خطيبها بمخالفة الاتفاق، عندما حضر حفل خطوبتهما دون بدلة ولا إحضار بوكيه ورد، «اختلفنا على كده وزعلت لما شوفته انه مسمعش الكلام وكان سوء تفاهم بسيط، لكن معرفش صاحب الكوافير عمل ليه كده».

وعن نشر الفيديو قالت نسمة إنها لم تعلم شيئا عنه: «محدش استأذنا وكذا حد ورهولنا كده، صاحب الكوافير صور وقال لنا هبعته لكم على الواتس الخاص بيكم، أنا كنت رافضة في البداية وقولت له مش بحب اتصور خلى خطيبي دخل وصورني قدام الأمر الواقع.. قالي تعالي يا عروسة وصورني.. حسبي الله ونعم الوكيل فيهم».

وأكدت عروس كفر الدوار، أنها فوجئت بالفيديو المنتشر على السوشيال ميديا، متسائلة عما حدث وما يقوله البعض عن تفاصيل ما حدث: «منقيين صور وحشة وأنا وخطيبي نفسيتنا زي الزفت.. أنا وهو بنحب بعض، مافيش حاجة وحشه بينا».