منى زكي تتحدث باكية عن دعم زملائها بعد تعرضها لانتقادات ومرورها بحالة اكتئاب
لم تتمالك الفنانة منى زكي دموعها وهي تتحدث عن فترة تعرضت فيها لانتقادات كثيرة، موضحة أنها تدخل في حالة اكتئاب عند تعرضها للهجوم من الجمهور.
وقالت خلال جلسة حوارية بفعاليات "مهرجان البحرين السينمائي" عن كيفية تعاملها مع الهجوم": إزاي بتعامل مع الهجوم؟ بيبقى في انهيار في الأول وبعد كده بلملم نفسي وبقول أنا عندي حاجات أهم في حياتي وأهداف أهم من أي حد بيحاول يكسرني، هما مش شايفين أنا عايزة أعمل إيه، ممكن أقعد في البيت بالأربع والخمس سنين حصلي وبتبقى أقسى اللحظات، قعادك في البيت مضطرة بتمر بمراحل كتير اكتئاب وانهيار ومحاولة استيعاب أن في حاجات في الدنيا غير الشيء دا وبتحاولي تتفاعلي مع باقي الحاجات الموجودة في الدنيا واعتقد دا بيخف عنك".
وتابعت منى زكي: "من نعم ربنا الكبيرة وجود جوزي وأولادي في حياتي دا اللي بيخرجني دايما من أي انكسار أو ضياع هما شيء أساسي بالنسبة ليا هما بيحسسوني أن في دنيا تانية وأهداف تانية في الحياة غير شغلي اللي هو مهم جدا بالنسبة ليا لأني ابتديت اشتغل من وأنا صغيرة أوي، شغلتي علمتني أبقى إنسانة أكتر الإيجو بتاعي يقل لأنك في لحظات بتكوني فيها فوق في السما وبعدها بتنزلي للبدروم".
ووجهت منى زكي باكية رسالة شكر لزملائها في الوسط الفني لوقوفهم بجانبها في اللحظات الصعبة التي مرت بها قائلة: "كانت مساندة كبيرة من الوسط الفني ليا وشكرا شكرا مليون مرة".
