أسما شريف منير تكشف سبب ظهورها بوزن زائد

كشفت أسما شريف منير سبب ظهورها بزيادة وزن ملحوظة خلال حضورها فعاليات الدورة السابعة من مهرجان الجونة السينمائي.

وقالت أسما شريف منير خلال لقائها مع ET بالعربي: "أنا دلوقتي تخنانة عشان باخد دواء، كان بيجيلي نوبات هلع وكنت بقعد في البيت مش قادرة أنزل من كتر الخوف، لما أخدت الدواء من آثاره الجانبية بتاعته أنه بيتخن".

وأوضحت أسما شريف منير أنها لا تريد اللجوء للطرق السهلة لخسارة الوزن قائلة: "أنا مش عايزة استسهل وأروح أعمل تكميم، مفيش أي اعتراض على التكميم لكن أنا عايزة أحافظ على أكلي ورياضتي خسيت شوية وبرجع أتخن تاني".

فيما قالت عن الطرق الحديثة لخسارة الوزن مثل "حقن التخسيس": "الحقن مش هتنفع معايا لأني شايلة الغدة".

على جانب آخر، كانت أسما شريف منير حذفت صورها عبر حسابها على Instagram وكشفت السبب قائلة: ""شلتي كل صورك ليه؟ عشان عايزه اشارك معاكم حاجة تفرق، تفرق مع شخص واحد بس! طب و هو ايه يعني اللي هيفرق في الصور دي؟".

وأضافت: "اول حاجة عايزه اوصلها من الصور دي، انها من غير اي اديت او فلتر، و دي حاجة انا في صراع دايم فيها، عشان بقيت بحب شكلي ب فلتر اكتر و ده شيء محزن، فا محتاجة احس اني حره من الفلاتر و الاديت عشان اشجع بنات تكون حسه احسن".