احمد الباز صاحب قصر الكبابجي يكشف ادعاء عمرو بيلا
كشف احمد الباز صاحب قصر الكبابجي ادعاء عمرو بيلا قائلا
متعودناش في قصر الكبابجي أننا نرد على الانتقادات الا بالجودة اللي بنقدمها و بنسيب الايام تثبت الصح من الغلط و لكن المرة دي في مضغوط دجاج لسه مش هينفع نرد بجوده منتجاتنا لأننا لسه مبدأناش ف كان لازم ارد بنفسي
في الحقيقة الصورة و البوست المنتشر ملوش اي اساس من الصحة و كانت مجرد صورة عادية طلبها الفوود بلوجر عمرو بيلا لما كان بيتعشى عندنا في قصر الكبابجي من يومين و اللي عارفني كويس عارف اني مش برد طلب حد و لكن هو حب ( يعمل واجب ) معانا بنيه طيبه منه و لكن للاسف الموضوع اتقلب بشكل عكسي علينا و متتخيلوش كمية الرسايل و الدعاوي اللي بتطلب مقاطعة براند لسه هيبتدي اصلا من قبل ما حتى يجربوا اي حاجه لمجرد أنهم على خلاف مع شخص ما على حاجه معينه
و يشاء القدر أن تكون الحاجه المعينة دي هي أنه بيقطع ارزاق الناس بالريفيوهات بتاعته ، الحاجه اللي هما بيعملوها بالفعل دلوقتي مع مضغوط دجاج من قبل ما يتحروا اي صحة لاي خبر جاي من اي حد ، مضغوط اللي هيوفر على الأقل ١٠ آلاف فرصه عمل لشباب مصريين في خلال السنه اللي جايه بعون الله الناس بتطالب بمقاطعته لمجرد خبر باين قوى أنه مش حقيقي و مفيش اي إثبات عليه غير من اللي نشره فقط
احنا عمرنا ما عملنا شراكه مع أي شخص يكون سفير للعلامة التجارية بتاعتنا في قصر الكبابجي قبل كده ولا هنعمل ل مضغوط ولا لاي براند هنقوم بيه بعد كده و ده مش تقليل من اي حد و لكن احنا مش بنربط البزنس بتاعتنا بأي اسم اي كان قوي أو ضعيف لاي سبب من الأسباب ف هنعتبر ان عمرو كان قاصد يخدم و هنعديها و لكن يا عملائنا الكرام ازاي بقينا نصدق اي شيء بيتقال بالشكل ده و بنبي على أساسه قناعات و قرارات و شعارات و حملات بدون حتى ما نسأل أو نتأكد
“يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَنْ تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ” [الحجرات: 6]
ع العموم شكرا لكل واحد بيساعدنا بأي شكل و شكرا برضه لكل واحد بيحاول يوقعنا لانه بشكل غير مباشر بيكشفلنا الدعم الحقيقي من الدعم المزيف و مين مستني لينا على غلطة و مين بيعمل و بيصرف على حملات تشويه بدون سبب ، مستمرين في النجاح بعون الله و لو كره الكارهون و مضغوط دجاج اللي بيتحارب من قبل ما يبتدي بوعدكم أنه يكون براند يحترم اهتمامكم بيه و يعتمد على جودته فقط لا غير تكون سفير للعلامة التجارية بتاعته في مصر و في كل الوطن العربي قريبا بأذن الله 