حسن الرداد: إيمي ستعود للتمثيل قريبا.. وشائعات انفصالنا ليس لها تفسير

كشف الفنان حسن الرداد، عن موعد عودة زوجته إيمي سمير غانم، خلال لقاء له مع برنامج Et بالعربي: "ايمي شخصية حساسة ولسة متأثرة بوفاة والديها صعب جداً لكن قريب جداً هتبدأ تنزل وتشتغل وبإذن الله نشتغل عمل أنا وإيمي مع بعض".

وعن أسباب تعرضهما لشائعات الانفصال قال: "معنديش تفسير غير أننا ثنائي محبوب عشان كدة ممكن بعض المواقع تكتب إشاعات عننا واحنا مش بنطلع نتكلم عن حياتنا الشخصية وانا مبحبش اطلع ارد لأن بيطلع كلام كتير عني فمش هرد كل شوية لكن لما بتسأل برد".

يذكر أن وجهت الفنانة ايمى سمير غانم ، رسالة لوالديها الفنان الكبير الراحل سمير غانم وزوجته الفنانة القديرة الراحلة دلال عبد العزيز، ونشرت صورة لهما عبر حسابها بموقع انستجرام .

وكتبت ايمى سمير غانم “ محتاجاكوا قوي، شكلها كده الدنيا مش هتكون فيها أيام حلوة من غيركوا نفسي اشوف بس ضحكتك يا بابي او مامي تديني قوة علي مشاكل الحياة و مسؤليتها حقيقي انا ولا حاجة من غيركوا الحمدلله علي قدر ربنا و ربنا يرحم يارب كل ام و اب بناتهم محتاجينهم زي دلوقتي ”.