قصيدة ( .. أه يا أمى .. ) للشاعرة ديدي
( .. أه يا أمى .. )
عارفة يا ماما .......
إنتى مشيتي وسيبتى علامة
إترسم الحزن على وجوهنا
اللى زمان إبتسمت ياما
وإتغيرت الدنيا يا أمى
إتهد الحيل .. وانحنت الهامة
أمى ........ أمى ......
إسمعينى.. أنا صوت ضناكى
اللى إتحرم يسمع دعاكى ..
لمى .............و ضمى .....
وارفعينى بقى لسماكى ..
نفسي أرجع أعيش معاكى ..
سمى ...... يا أمى ...........
و إدعى ربك فى سماكى ...
يرحم إولادك ... حشاكى ..
سامحينى وحياة الأمومة
ياللى قلبك كان مسامح ..
هانكسر ماتقوم لى قومة..
لا عنت جاى .. ولا عنت رايح
خلى قلبك راضى عنى ..
وحطى بوسة فوق جبينى..
ليه ما قولتيش ليا يا آما ..
إن إنتى قربتى تسيبينى..
كنت خدت كفايتى يا آما ..
من دعاكى لطول سنينى..
كنت عاوزة أعرف شعورك
لما زورتى المصطفى..
كنت عاوزة أشوف هدومك
بيضا من لون الصفا ...
رحلتى قبل ما أبوس إيديكى..
وأحس فيهم بالدفا ....
آه يا أمي .. آه يا أمى
ياطول سنين البعد عنك ...
حتى أبويا ماطالش صبره .. وراح لعندك
ساب حاجاته ..زى يا آما ماسيبتى حاجتك...
ساب ولاده ..وذكرياته..وبيجاماته..
وسابنى أنا ..
بيتنا يا آما.. و بالكوناته..حضر ماماته ..
إلا أنا ..
والغربة يا آما توهتنى..
مش فاكرة حتى ..كام سنة
بعدتنى عن أختى .. وأخويا
الغربة يا آما عذبتنى..
قوليلى يا آما ...
قابلتى أبويا .. .. !!!!!!!!
