• الرئيسية
• فن

شارك المخرج محمد سامي متابعيه عبر صفحته الرسمية في موقع التواصل الاجتماعي إنستجرام فيديو صوره بنفسه من المنزل، تحدث فيه عن تحضيرات زوجته النجمة مي عمر لفيلم "الغربان" بطريقة طريفة.

وقال محمد سامي في الفيديو: "دلوقتي أنا بقيت خايف جدا، لأن كل يوم بشوف حاجة غريبة جدا في البيت، بشوف المنظر ده".

ووجه محمد سامي الكاميرا نحو المكان الذي كانت مي عمر تتدرب فيه على مشهد قتالي باستخدام سيوف مع مدربين من روسيا، وعقب قائلا: "أنا بقيت خايف من مي جدا، مش فاهم هي بتتمرن علشان فيلم الغربان كل يوم وجايبة الروس دول، بتتمرن وماسكة سيوف حادة، وطريقتها بقت غريبة جدا وبقت مخيفة، طيب أتعامل معاها إزاي".

ويأتي ذلك بعد أيام من كشف مي عمر عن تعاونها مع زوجها المخرج محمد سامي في مسلسلها لموسم رمضان 2025، ويحمل اسم "إش إش".

وتقدم مي عمر في مسلسل "إش إش" دور راقصة، وسبق وأعلن محمد سامي أنه انتهى من كتابة عدد كبير من حلقات المسلسل الذي يتكون من 30 حلقة.

ومسلسل "إش إش" هو ثاني بطولة مطلقة لمي عمر، بعدما قدمت في رمضان 2024 مسلسل "نعمة الافوكاتو" وتكون من 16 حلقة.

وكانت مي عمر شوقت الجمهور لدورها في فيلم "الغربان" أمام النجم عمرو سعد، وقالت في تصرحيات لبرنامج ET بالعربي: "أحداث الفيلم في عصر قديم وإنتاج ضخم جدا وصورة مختلفة حاجة مشفناهاش قبل كده في الوطن العربي كله، من إخراج أستاذ ياسين حسن، وبطولة عمرو سعد، أنا مبسوطة وطالعة بشخصية مختلفة وشكل مختلف هو حاجة لما تتفرجوا عليها هتتخضوا".