أسرة الطالبة منة ضحية مدرسة العجوزة تكشف اللحظات الأخيرة قبل وفاة ابنتهم

استيقظ الشعب المصري في ثاني أيام إنطلاق العام الدراسي الجديد، على خبر حزين، وهو وفاة طفلة تدعى منة بعد سقوطها من الطابق الثالث في مدرسة سيد الشهداء بميت عقبة بالعجوزة.

بعد مرور أكثر من أسبوع على المسأة التي هزت الشارع المصري، كشفت والدة الطالبة "منّة تامر" التي لقيت مصرعها إثر سقوطها من الطابق الثالث بمدرسة "سيد الشهداء الابتدائية" في منطقة العجوزة بعض التفاصيل.

وقالت الأم المكلومة:" أنا بقالي 5 أيام مش عارفة أنام، حاسة أن في كابوس، أنا مش موجودة أصلا، كل شوية أقول منه هتقوم وهتصحي وهتنادي عليا في الشارع، صوتها وحشني كل حاجه فيها وحشتني".

وأضافت الأم، أن ابنتها كانت ارتدت يوم الحادث، ثياب المدرسة الجديدة بعدما استيقظت مبتسمة فرحة، مشيرة إلى أن ابنتها زغردت وصفقت يوم الحادث فرحا بالمدرسة، متابعة:"بنتي عندها 7 سنين، وأنا اللي دخلت بنتي بنفسي للمدرسة ويارتني مادخلتها المدرسة".

وأستكملت حديثها:بنتي صاحية من الفجر وكانت فرحانة عشان هتروح المدرسة، وفضلت تقولي يلا يا ماما هنتأخر عن المدرسة، لحد دلوقتي مشوفتش بنتي بعد وفاتها، ومعايا الكوتشي بتاعها بس دلوقتي، مضيفة: "مكنتش موجودة في توقيت سقوط بنتي من الدور الثالث بالمدرسة".

وقالت:" بنت عم بنتي كانت مع بنتي في المدرسة، ولما طلعت الفصل عشان تاخد منة عشان تروح المدرس رفض وخرجها بره، واتقالي إن منة جريت وخرجت من الفصل".