بعد ممارسة الرذيلة 3 أشهر.. .. اعترافات خطيرة لـ قاتل سيدة بورسعيد

قال المتهم بقتل سيدة بورسعيد داليا الحوشي، بمساعدة نجلتها نورهان خليل، في اعترافاته:"أنا مارست الرذيلة مع بنت القتيلة لمدة 3 أشهر في أيام متفرقة جوه بيتهم وكانت خايفة من الفضيحة بعد امها ما عرفت الموضوع وشافتنا".

وكانت قد حصلت "قضية رأي عام"، على نص التحقيقات والاتفاق الذي تم بين المتهمين للتخلص من والدة نورهان مشرفة عمال بورسعيد داليا الحوشي، من خلال مكالمة هاتفية بينهما، والذي نستعرض فيها نص المكالمة وهى مكالمة لسيدة ورجل ومدتها 8 و2 ثانيه وهى كالأتي:

الطرف الأول: الو
الطرف الثاني: الو
الطرف الأول: ينفع كده
الطرف الثاني: ايه اللى حصل فهميني؟

الطرف الأول: يبني أول ما أدم دخل قامت قالتلو مش انت اللى فتحت الباب صح؟ قام قالها لا أنا قالتلو لا متكدبش انا عارفاك، فقام سكت، قامت داخلالي الحمام وقامت ضرباني ومعرفش وقامت زغدتني يعني في كتفي وأنا قاعده، انتي عبيطة طب اصبري لما اطلع المهم جت وفضلت بقى تشتم وتزعق وراحت متصله ببابا وانتي عايزه تعرينا وانتي طب هوا عمل ايه وانتي وانتي، قولتلها انتي عبيطة ولا ايه؟ قولتلها هوا دخل وفتح كان بيجري من الحكومة عشان كانوا بيجروا وراع وفتح بالبطاقة زي ما كان فتحلي قبل كده تما وانا قمت وقلقت وشفته وهوا بيفتح مش أكتر وقلتلوا مش عرف ايه والكلام دا وسبتوا برا على اساس ان هو ينزل وقمت داخله، فاهم فقامت فضلت برده تزعق وتشتم والله ما هسيبكوا والله مش عارف اي انتوا بتكلموا ناس هبلة يا ستي اقسم بالله يعني هتفضحيني وهتفضحي بنتك رغم إن أنا معملتش حاجة عايزه تكشفي عليا تعالي اكشفي عليا كده بجحه أوي يا لهو لو كانت كشفت عليا لا بجد، المهم يعني قامت مكلمه بابا تعالالي تعالالي انا عايزاك دلوقتى، قلت بس ضعنا، المهم راحت قامت قالتلو مش ابنك اللى فتحلوا زي ما انا قولتلك/ ده هو اللى فتح بالبطاقة وهو اللى دخل إزاى يعمل حاجة زي كده وهو وهو.

الطرف الثاني: انتي هبلة ابت؟
الطرف الاول: مش هعرف افهمك أوى الصبح لو انا نزلت هبقى اجيلك المهم قامت اخده التليفون ومنتيش شايفه الشارع تاني ومنتيش واخده التليفون والكلام ده كله.
الطرف الثاني: اوف
الطرف الأول: ماشي قولتله اه وبعدين ماشي أنا مش مهم انما هو ملوش دعوه هو كان جاى يستخبي عشان هو ملوش حد أو ميعرفش حد هنا غيرنا واللى جه في باله، انتي بتدافعي عليه ليه ؟ هو عاملك عمل يا .. سب وقذف، قولتلها عاملي عمل اه. هوا عشقني فالضلمة عشقاه فالضلمه راحت ضارباني بت بارده أوى، المهم فضلت تشتم وتزعق.

اقرأ أيضاً
بعد إحالتها للمفتي.. قاتلة والدتها ببورسعيد تُجري تحليلي حمل وكورونا
دوافع جديدة.. قاتلة والدتها ببورسعيد بمساعدة عشيقها تفجر مفاجأة صادمة
الطرف الثاني: يعني هيا هتجيلنا ولا لا؟
الطرف الأول: لا تجيلكوا فين! هي بتقول لبابا هيا عايزه تعمل حاجة هي بتقولوا انا مش هتكلم ولا اعمل حاجة انت وانت بكره لو شفتوا واقف ولا حاجة خدوا معاك وقولو تعالي معايا عايز اتكلم معاك. قال اى خدوا معاك وروحوا العرب وادولوا علقه محترمه باين يا إما هحبسهولكو قالها اقفلي اقفلي انتي بنت .. سب وقذف، سلام وقفل في وشها السكة.

الطرف الثاني: طب انتي ابوكي ممكن يعملها؟

الطرف الأول: لا عمره
الطرف الثاني: انتي هبله طب افرض فكرني حرامي طالع اسرق حاجة من عندكوا

الطرف الاول: لا لا مفيش حاجة عندنا راحت، بس كدا بس انا قلت اقولك وافهمك خدت التليفون فأنا لا هعرف انزل ولا اتنيل بس انا بكرا هى صباحي وكذا كدا مش هينفع تقفل علينا الباب عشان محمد وامه جايين فاهم، وحتى لو هى مدتنيش التليفون الصبح وانا نازله الكلية هنزل واجيلكوا على طول فاهم وكاني مشيت عشان افهمك اكتر بردوا ونشوف هنعمل ايه؟ عشان خلاص هى كده جابت اخرها معايا.

الطرف الثاني: يعني خلاص هننفذ

الطرف الأول: اه خلاص لا زهقت خلاص

الطرف الثاني: ما قولتلك من الاول

الطرف الأول: لا بجد خلاص هتفضحنا هى ومش هتسكت هتفضل عارف بقى لو بابا منفذش اللى في دماغها هتفضل زاقه علينا ناس والله العظيم هتفضحنا.

الطرف الثاني: انا حسيت فعلا ان هى هتروح تجبلي ناس من المستشفى

الطرف الأول: اه فهي خلاص كدا جابت أخرها معانا كفايا كدا بس لما اعرف بس اتكلم بس وأشوفك عشان دا تليفونها.

الطرف الثاني: تليفون مين؟؟

الطرف الاول: تليفونها هى

الطرف الثاني: وانتي واخداه بتعملي بيه ايه؟

الطرف الأول: ادم كان ماسكو بيلعب بيه وأخدتوا وهى دخلت نامت وانا عندي حزة هخلص حمزة وانزلوا واحمد معرفش جاى من عند عمتو

الطرف الثاني: احمد عرف؟

الطرف الأول: لا معرفش وبابا بيقولها انا هاخد رقموا من أحمد قالتلوا لا أحمد ميعرفش عشان ميجيش يمسك فيه ويعوروا وتبقى بدل الأقسام مستشفيات كمان.فاهم.، تخيل شوف خايفه على عيالها اكتر من عليا بس مش قصه أحمد عادي مني، المهم انا قلت اعرفك وافهمك انا بكرا ان شاء الله هجيلكوا لو عرفت اجيلكوا وهجيلكوا ولو معرفتش هحاول اكلمك من اى حتة وافهمك اكتر يعني ماشي.

الطرف الثاني: طب منا عندى فكرة

الطرف الأول: قول

الطرف الثاني: طب منا هجبلك تليفون زراير واجيبلك خط

الطرف الأول: مش هينفع امشي بيه حتى لو عملنا كدا يبقى همشي بيه وانا فالشارع بس وقبل ما اروح هديهولك.

الطرف الثاني: يا بنت الهبلة خبيه في اي بتنجان وانتى مادتنيش مفتاح الشقة صحيح؟

الطرف الأول: طب طيب هنفكر فالموضوع ده انا هقفل عشان هتقوم وبكرا هحاول اجيلك أو اكلمك ماشي؟

الطرف الثاني: مش هتعرفي تكلميني يعني بالليل؟

الطرف الأول: لا انا مش هعرف طبعا يلا.

الطرف الثاني: طب اسمعي مني اجيبلك تليفون زراير وأول ما هى تنزل بالظبط أنا مفهتمش حاجة من الورقة ده انا هليت ابتسام اللىتقراها.

الطرف الاول: احييه

الطرف الثاني: لا ما هى مش فاهمة مفهمتش برده وبعدين انتي خطك اصلا "سب" مبيتفهمش بس انا فضلت كدا اركز لحد مجبتها، طب افرض معرفتش اتواصل بيكي بكرا؟

الطرف الأول: أنا هعرف يلا بقى أنا هحاول

الطرف الثاني: يا بنت الغبية هجبلك تليفون واحطهولك قدام البيت واجيبلك خط ولكلمك بعد ما هي تنزل بس هيا هتنزل 7 ونص واكلمك بعدها

الطرف الأول: انت تحطهولي بعد ما هى تنزل

الطرف الثاني: وحياة امك طب افرضي مخدتيهوش

الطرف الاول: لا ما هى اما تنزل هبقى انا صاحية حطهولى شفت الشباك بتاع السلم حطو فشباك اوضتي من برة وأنا أول اما هى تنزل هقوم انا طالعة واخداه، انا مش عارفةافكر دلوقتى فالموضوع بتاعك ده

الطرف الثاني: بتاع التليفون؟

الطرف الأول: اصحى بقى اطلع البلكونة وانا هشاورلك اصحيك اى حاجة ماشي.

الطرف الثاني: يعني اصحي نفسي على الساعة 7 معاكو افضل من 7 واقف فالبلكونة طب افرضي ندهتلي ولا عملتلي اى حاجة.

الطرف الأول:" لا لا انت على 7 ونص كده راقبها من أى حتة لحد متنزل تغور ماشي يلا عشان هتقوم "عبارة سب" هحاول اكلمك يخربيتك جلاب هم امشي

الطرف الثاني ماشي يا ستي "...... جملة سب وقذف للمجني عليها".. انتهت المكالمة