لهذا السبب.. ياسمين عز تنصح بالزواج من رجل منوفي

عادت الإعلامية ياسمين عز من جديد لتقديم نصائح للسيدات والبنات بشأن كيفية تعاملها مع الرجل المصري في حياتها، وكيفية أختياره.

وحرصت الإعلامية ياسمين عز في برنامجها “كلام الناس” الذاع عبر فضائية mbc مصر ، بتوجيه نصائح للفتيات بشأن الزواج من رجل منوفي فقالت “يا هناكي ويا سعدك لو إتجوزتي راجل من المنوفية، راجل عاقل ورزين مش أي واحدة تعجبه أو تملا دماغه”.

وواصلت الإعلامية حديثها “خليكي عارفة إن زواجك من المنوفي إنجاز في حد ذاته، لإنه أخذ قراره بعد أيام طويلة من التفكير والتمحيص والدراسات والمباحثات، لحد ما توصل إنك الست اللي تستحق يكمل حياته معاها”.

ولفتت أن محافظة المنوفية تعرف بالكرم فقالت “معروف للجميع إن المنوفية بلد الكرم كله، وهتلاقي جوزك المنوفي كريم معاكي ومعطاء، وكل اللي في جيبه ليكي ولولادك، واعرفيها قاعدة المنوفي لا يلوفي مع صفة البخل”.

وأضافت “مقولة الراجل هو اللي بينور الست مقصود بيها الرجل المنوفي، لإنه بينور الست ويخليها تشع وتشعشع، راجل قلبه كبير وعقله يوزن بلد، ويفهمك من غير ما تتكلمي”.

وأنهت الإعلامية حديثها معبرةً “مع المنوفي في كيس، هتخاري المنوفي عريس، ومن سرس الليان لمنوف المنوفي الجدع تطلعيه من وسط ألوف، ومن أشمون لشبين راجل عاقل ورزين، ومن الشهدا للباجور مخه كبير ويعرف يوزن الأمور، ومن قويسنا لتلا يا هلا بالمنوفي يا هلا”.