حسن شاكوش: عمري ما عملت حاجة حرام.. وكل الصحفيين على راسي

أكد مغني المهرجانات حسن شاكوش، أنّه لم يخطئ في حق كل الصحفيين، قائلًا: بالنسبة للصحفيين وأعضاء النقابة لهم كل التقدير وعلى راسي، لكن بعض الشباب كل واحد منهم معاه تليفون ومايك ويصور مع أي حد ويقول أنا أنتمي إلى الجريدة الفلانية، عندما تحدثت عن الأخبار الحرام كنت أقصد منتحلي الصفة.

وأضاف شاكوش، خلال تصريحات تليفزيونية: عمري ما عملت حاجة حرام، لعبت في أكبر أندية مصر، وأسهل طريق قدامي كنت إني أشرب مخدرات أو حشيش، لكن عمري في حياتي ما عملتها.

وتابع المطرب حسن شاكوش: أعترف أنني فعلت أشياء كثيرة خاطئة، لكن بعض الأشخاص ينتحلون صفة صحفيين وينشرون أخبارًا كاذبة.

وتابع حسن شاكوش: مكنتش أقصد الصحفيين في تصريحاتي، لكن بتكلم على الناس اللي عاملين صحفيين من غير ما يكون لهم شغلة أو مشغلة وبيعملوا قنوات على اليوتيوب ويرفعوا شغلهم عليها عشان المشاهدات.

ورد مغني المهرجانات حسن شاكوش، على الفنانة شذى بعدما انتقدته وقالت إنه لا يجيد الحديث، قائلًا: هي بتغني؟.. هي دي مغنية؟، دي بتغني إيه؟! معرفهاش والله العظيم، أنتِ حافظة لها أغاني؟.

وأضاف شاكوش: ربنا يتولاها، أنا مش مستفز زي ما هي بتقول، أنا بتكلم بطبيعتي ومبحضرش، لكن أنا مبغلطش، ومش بحب أكون FAKE.

كما ردّ على مغني المهرجانات حمو بيكا، الذي قال إنه مغرور، موضحًا: حمو تلقائي، ومعاهم معاهم، عليهم عليهم، غلبان وطيب والناس بتلعب بدماغه ومشاعره، لما تكون طيب زيادة عن اللزوم بتبقى وحش جدا، عشان الناس بتقولك شمال يبقى شمال ويمين يبقى يمين، وبعد التصريحات دي، اتصل بيّ وقالي تعالى نقعد مع بعض.