أحمد داش: شيكابالا دة عالمي ولو بدماغ محمد صلاح كان هيبقى ميسي

شارك الممثل الشاب أحمد داش بأراءه الكروية أثناء حلوله ضيفًا ببرنامج يوتيوب "اللعب على جون"، وأشاد بلاعب الزمالك شيكابالا.

قال أحمد داش: "شيكابابلا دة عالمي، لاعب كبير زي نيمار، شفت عمل إيه في 2009 لـ2019؟ كان بيلعب في الزمالك لوحده، كان بيطلع التاني الدوري لوحده، ياخد الكورة ويجيب جون لوحده".

وأضاف داش: "لو كان شيكابابلا لاعب إنجليزي كان هياخد البالون دور (جائزة أفضل لاعب في العالم)، أظن سبورتنج أكتر حاجة وصلها، بس دي دماغ برضه، لو هو بدماغ محمد صلاح كان هيبقى زي ميسي".

وعلى صعيد آخر، أشاد داش أيضا بلاعب آخر وهو محمد أبو تريكة، حيث وصفه بأفضل لاعب في تاريخ مصر، وقال: " كان لعيب مستوي لدرجة إن كن ممكن يطلع من الأهلي على مان يونايدت. دة كان هيبقى في مستوى زين الدين زيدان لو كان لعب في أوروبا".