أول لقاء مع عامل مطعم الشبراوي طلب من تامر حسني زيارته في مكان عمله.. بث مباشر

تواصل "قضية رأي عام"، مع عامل مطعم الشبراوي الذي طلب من تامر حسني زيارته في مكان عمله، وأخذ صورة معه ومشاهدة فيلم التاج برفقته، ويأتي ذلك بعدما استجاب بالفعل تامر حسني، ووفعى بوعده ومر عليه ليأخده معه لمشاهدة الفيلم.

وقال الشاب، خلال البث المباشر لـ«قضية رأي عام»، :«أنا مكنتش متوقع أن الفنان تامر حسني يرد على الكومنت الخاص بي، ويلبي طلبي، أنا كتب الكومنت وروحت أصلي الفجر ورجعت لقيته كومنت الفنان، أنا كنت زعلان عشان كنت قبلها بيوم روحت حضرتك الفيلم ومكنتش اعرف أن الفنان جاي بكرة، فعشان كدا كتب الكومنت».

وتابع الشاب: «الفنان تامر حسني جالي المطعم وخدني معاه عشان اشوف الفيلم وقعد يتكلم معايا ويحفزني ويدعمني على الشغل، وأنبسط جدًا أن شوفته واتكلمت معاه».

وكان قد طالب أحد جمهور الفنان تامر حسني، بمشاهدته ، وجاء ذلك في أحد التعليقات على الصفحة الرسمية التابعه للفنان تامر حسني، قائلًا :«يارب تشوف الكومنت بتاعي ، أنا شغال في شبراوي اللي على طريق مول مصر يارب تقف عندي وتعمل زيارة بقالي 16 سنة ياجدع نفسي أخطف اللحظة دي».

ورد لفنان تامر حسني على التعليق قائلًا : «هعدي عليك أخدك معايا الفيلم، أجهز يابطل وأنا من دلوقتي بستأذن مديرك بعد أذنك ياأستاذ مدير».