عمرو أديب عن خسارة الزمالك بـ رباعية أمام الأهلي: تلت الاعيبة بيفكروا هيروح الأهلي إزاي.. والنادي بينتهي

انتقد الإعلامي عمرو أديب، أداء الزمالك أمام الأهلي خلال مباراة القمة التي انتهت بفوز المارد الأحمر، قائلا: أنت منتظر ايه من فرقة تلتها وهو بيلعب بيفكروا هيروحوا الأهلى إزاى.. والتلت التانى بيفكر هيروح فيوتشر أو بيراميدز إزاى.. والتلت التالت بيقول مليش مكان وبيفكروا يمشونى إزاى.. دى نفسية اللعيبة وهى فى الماتش.. النادى بينتهى.

عمرو أديب: تلت فرقة الزمالك بيفكر هيروح الأهلي أزاي.. والنادي بينتهي
وأوضح عمرو أديب خلال تقديم برنامجه الحكاية: ايه الفانلة الزرقاء الللى كلها ترتر ونجف دى.. فين الفانلة البيضاء أم خطين والفانلة دى مش فانلة رجالة يا جماعة فين الفانلة البيضاء.

وأضاف: امبارح مكانش فيه فرقة ولا خطة ولا إحساس اللعيبة بتلعب ودماغها مش موجودة ولا قابضة، وشايفة الكبارى اللى بتتعمل عشان لاعيبة تروح فرقة تانية.

وفى سياق متصل، وجه أحمد سليمان عضو مجلس إدارة نادي الزمالك السابق رسالة، بشأن ما يحدث علي الساحة الزملكاوية في الفترة الحالية من أجل التدخل لإنقاذ الزمالك مما هو فيه.

هذا وقد نشر أحمد سليمان عبر صفحته الشخصية على موقع التواصل الاجتماعي فيسبوك، قائلا: رسالة إلى من يهمه الأمر نادي الزمالك ينهار الرئيس تم عزله بحكم قضائي ويباشر العمل، نائب قدم استقالته والأعضاء في تتابع خلفه.