ريم طارق لـ بسمة وهبة ”كل اللي عمله حسن بسبب سر أنا عارفاه”

ظهرت ريم طارق أمس مع بسمة وهبة، في برنامج "90 دقيقة" على قناة "المحور" المصرية، وأكدت أنها تعرضت للخيانة.

وقالت ريم طارق خلال اللقاء "ممثلة ما تعرضت لأزمة صحية مفاجأة في أحد أيام شهر رمضان الماضي، وتوجه لها حسن في شاليه بالعين السخنة، وقضى معها بعض الوقت، وبعدما عاد إلى المنزل، كانت تطمئن عليه عبر المحادثات، وتقول له: وصلت يا حبيبي؟.. كان بينهما علاقة".

وتابعت ريم "قعدت 30 يوم في شهر رمضان أشوف حاجات زي كده ومختلفة، وفي وقت من الأوقات الفنانة دي، حبت تسمعني صوتها، كانوا مع بعض، وقعدت تضحك".

وأشارت إلى موقف الأسرتين بعد تفاقم الخلافات ووصولها إلى النيابة، قائلة: "أهل حسن شاكوش، طلبوا من بابا نروح نقعد على كافيه، لإنهاء إجراءات الطلاق، لكن بابا رفض وقتها وقال: أنا ليا بيت.. وزي ما أخدها من بيتي.. يجي يطلقها.. ولو بنتي غلطانة أربيها.. ورفضوا إنهاء الأزمة في البيت".

وقالت ريم طارق: "بدأوا ينزلوا صور لينا.. واتكتب عليها كلام وحش.. واتوصفت بأني سبوبة واللي يدفع أكتر، والحقيقة إن حسن مجابليش حاجة ومصرفش عليا جنيه حتى في القايمة، أمه رفضت تكتب قيمة القايمة، وقالت نكتب الأوض.. وحسن عرض على أبويا يكتب المؤخر وصل أمانة وأبويا رفض".

واستكملت: "لما طلعت على السوشيال ميديا.. بعت لي وقال لي أنتي بتكتبي على السوشيال!!.. دي لعبتي.. أنا هتسلى عليكي أنتي وأهلك"، مؤكداً أن الخلافات تصاعدت بينهما في وقت قصير بسبب "سر" ما رفضت الإفصاح عنه على الهواء، قائلة: "كل اللي عمله حسن بسبب سر أنا عارفاه ومش هقوله".