الرئيس يكشف سبب اختبارات المعلمين الجدد في الأكاديمية العسكرية

قال الرئيس عبدالفتاح السيسي، إن اختيار المعلمين الجدد نقطة مهمة جدًا في مرحلة بناء الإنسان.

أضاف أن معايير الانتقاء في مسابقة المعلمين الجدد كانت عامة، ولكن تم وضع معايير تخصصية وهناك فرصة جيدة لمنح الجميع المحاولة والعدالة في الاختيار.

ولفت إلى أن الأكاديمية العسكرية كانت معنية بالاختيار في مسابقة المعلمين، معقبا "المعلم اللي أنا محتاجه في المدرسة.. عايز أعرف مهاراته عاملة ازاي، انتماءاته عاملة ازاي، فكره عامل ازاي.. أنا هسلم ولادي للمعلم ده.. أنا عندي فرصة أبذل معاه جهد علشان أجهزه وأساعده يتأهل ليقوم بدور أنا محتاجه.. أنا عايز معلم يصحى 6 الصبح ويروح المدرسة ويهتم بالرياضة.. أنا بحطه في برنامج عام.. لكن الفني مش بتدخل فيه، يعني التخصص".

وأضاف الرئيس "أنا بحط المعلم ده في إطار عام بحيث يتحمل مسئولية ولادي اللي هيروحوا المدرسة.. أنا عايز جهاز إداري منضبط.. المعلمين دول اتعمل لهم كل الموضوعات اللي تحقق كفاءة الاختيار وبذلنا جهد علشان يكونوا مناسبين للوظيفة.. اللي انت هتقوله هيتحط في عقول أطفال صغار وهيشربوها منك.. أنا بطمن إنه تمت صياغة شخصية المعلم بشكل صحيح.. أنا عمري ما خبيت حاجة لأنها مش معمولة من غير فكر.. لا اتعملت بفكرة.. أنا عندي ألف مدير مدرسة جدد من الشباب، وهعطيهم معلمين جدد مدخلوش حقل التعليم قبل كده".

وقال الرئيس "أنا مش بعسكر.. دي مش عسكرة.. أنا بعمل إعادة صياغة للشخصية.. فيه ناس بتبث السموم وتحطم الأمل في بكرة.. احنا بنحاول في ظل ظروفنا وقدراتنا المحدودة، أنا عمري ما قلت كلام معسول ولا أحلام.. أنا قلت فيه عمل وبس.. هنفضل نشتغل لحد ما نحقق حلمنا.

جاء ذلك خلال جلسة بناء الإنسان، ضمن فعاليات يوم الاحتفال بتفوق طلاب مصر، بحضور الرئيس عبدالفتاح السيسي.