جنات: أنا من أوائل النجوم اللي اتطلبوا في حفلات الرياض.. ومش عارفة ليه مبتظبطش
كشفت الفنانة المغربية جنات، سبب عدم مشاركتها في حفلات موسم الرياض، مؤكدة أنها من أوائل النجوم الذي تم دعوتهم للمشاركة.
وقالت جنات في تصريحات إذاعية: حفلات الرياض على مستوى عالي جدًا ومستمتعة زي كل الناس بالحفلات والإمكانيات اللي متاحة لكل الفنانين، وأنا كنت من الأوائل اللي اتطلبوا في الحفلات هناك بس مبعرفش ليه ما بتظبطش ولا حفلة بيحصل حاجة قبل الحفلات فبتتلغي.
كما كشفت جنات، عن جديد أعمالها الفنية بعد أغنية الشمخ الجواني، قائلة: عندي أغنية (جنبك ومعاك) من كلمات خالد البشبيشي وألحان أحمد زعيم وتوزيع يوسف حسين، وهي أغنية رومانسية واتصورت في لبنان مع فادي حداد، وعاملين فكرة رومانسية إنسانية وهتنزل في الأيام الجاية مش في الفالنتاين علشان هي رومانسية لكن الموضوع حزين شوية.
وتحدثت الفنانة جنات، عن تفاصيل تحضيرات أغنية الشمخ الجواني، قائلة: الكلمة جت من فيلم الكيف معناها أعماق الإحساس، فناس كتير شافت الفيلم وعارفة الموضوع وأنا كنت أول مرة أسمع الكلمة دي لكن جوزي كان عارفها، لكن لما سمعتها فهمتها على طول.
وتابعت أنغام: أنا بحيّي مصطفى حسن ومصطفى العسال عاملين أغنية حلوة أوي وأظن إنها من واقع خبرتي المتواضعة إنها هتعيش مع الناس.
وتعتبر أغنية الشمخ الجواني، هي آخر أغاني الفنانة جنات، والأغنية من كلمات مصطفى حسن، ألحان مصطفى العسال، توزيع موسيقي عمرو الخضري.
