«روحي مشيت معاك».. زوجة العامري فاروق ترثيه بكلمات مؤثرة

توفي نائب النادي الأهلي العامري فاروق، أمس الجمعة، بعد صراع مع المرض منذ شهر ديسمبر الماضي، وحضر جنازته مجلس إدارة القلعة الحمراء، على رأسها محمود الخكيب رئيس النادي، بالإضافة لـ العديد من الشخصيات العامة والرياضية.

وفي أول تعليق من زوجة العامري فاروق، بعد وفاته، نشرت بعض الكلمات المؤثرة عبر صفحتها الرسمية بموقع التواصل الاجتماعي «فيسبوك».

وقالت زوجة العامري فاروق، «من إمبارح مش قادرة اكتب وأقول أن زوجي وحبيبي وأبويا وكل حاجة في دنيتي خلاص مابقاش معانا في الدنيا دي.

وأضافت، «عامري كان الظهر والسند لي ولأولاده وإخواته وأبوه وأمه وأصحابه وأي حد يطلب منه أي حاجة.

وأكملت، اللي شوفته إمبارح كان مظاهرة في حب العامري، واحد أفنى حياته في حب الآخرين وخدمتهم وإسعادهم بدون ما ينتظر مقابل مفيش كلام حيواسينا كلنا على غيابه.

وتابعت، بس في الأخر لانملك غير الدعاء إننا نتحمل الفراق ده وإن ربنا يعينا ويصبرنا كلنا.

وأتمت، روحي مشيت معاك ياعامري، ومش عارفة إزاي حستحمل إني مش حشوفك ولا اسمع صوتك تاني، عزائي الوحيد إنك استريحت وبقيت في مكان أحسن وأفضل من الدنيا دي، وما
تغلاش علي اللي خلقك.