طرح ألبوم تامر حسني هرمون السعادة بالكامل

أعلن الفنان تامر حسني، عن طرح ألبوم هرمون السعادة بالكامل عبر القناة الرسمية لموقع الفيديوهات الشهير يوتيوب من خلال أغاني متنوعة ومختلفة.

نشر تامر حسني عبر حسابه الرسمي على إنستجرام، بوستر ألبوم هرمون السعادة، وعلق قائلاً: 'هرمون السعادة متاح للاستماع إليه كاملاً على جميع منصات الاستماع واليوتيوب، تقدروا تسمعوه'.

حرص الفنان تامر حسني بالرد على تصريح المستشار تركي آل الشيخ رئيس هيئة الترفيه بالمملكة العربية السعودية، بأن فيلمه بحبك حقق رقمًا قياسيًا في شباك التذاكر بما يقرب من مليار جنيه استرليني في عام 2022.

كتب الفنان تامر حسني عبر حسابه بموقع إنستجرام: 'خالص الشكر لمعالي المستشار تركي آل الشيخ نصرتني يابو ناصر'.

وتابع: 'بعيدًا طبعًا عن ان الرقم ده بيروح لموزعين الخارج عشان محدش يفتكر ان المنتج او الابطال بياخدوا الرقم ده لأ ده رقم بيتوزع على موزعين الخارج في العالم كله والفنان له اجر ثابت'.

واستكمل تامر حسني حديثه، وقال: 'المهم، الكثير كان بيشكك، في ايراداتي و كتير انتقدوا الفيلم قبل ما ينزل لمجرد انه تأليفي و إخراجي و موسيقتي التصويريه، وكنت مأجل بوست احتفالي معاكوا بنجاح فيلم بحبك اللي عدا عليه سنتين حتى تعلن الجهه المختصه عن رقمه القياسي، تيجي بقى من ابو ناصر نفسه امام العالم كله ليثبت أن كان كلامي صح و اني مش بقول غير الحق ولا مضطر اقول غير الحق'.

وأضاف تامر حسني كلامه، وقال: ' طبعًا ده غير ايرادات الفيلم في مصر و باقي دول العالم، كل الشكر للجمهور الطيب الغالي في مصر و السعوديه و الوطن العربي كله و العالم شكراً لكل ابطال العمل و صُناعُه و منتجينه اللي صدقوني و دايماً في ضهري، وشكرًا معالي المستشار تركي آل الشيخ، نورت مصر بلدك الثانية، وبجد أنا دلوقتي اقدر أحتفل معاكم بنجاح اول فيلم من إخراجي، الحمدلله'.