بعد قليل.. نظر تجديد حبس المتهم بمحاولة اختطاف ”فتاة الشروق”

ينظر قاضي المعارضات في المحكمة المختصة، اليوم، تجديد حبس المتهم بمحاولة اختطاف “حبيبة” المعروفة إعلاميًا بـ"فتاة الشروق".

وأدلى سائق “أوبر” المتهم بمحاولة اختطاف الفتاة على طريق السويس في مدينة الشروق باعترافات أمام جهات التحقيقات عقب ضبطه، حيث قال إنه لم يحاول اغتصابها بل كان يرش العطر داخل السيارة لتلطيف الأجواء، وفوجئت بعدها بقفزها من السيارة.

لم ألمسها
وتابع المتهم "مالمستهاش، وهي فكرت إني بعاكسها، ونطِت من العربية واتعورت، وأنا هربت علشان خُفت من الحكومة".

‏وألقت أجهزة الأمن في القاهرة القبض على سائق سيارة “أوبر” متهم بمحاولة خطف فتاة على طريق السويس في الشروق.

وأصيبت الفتاة التي تُدعى حبيبة الشمّاع بنزيف داخلي وكسور وسحجات في مناطق متفرقة بالجسم، ونُقلت إلى المستشفى، بعد أن قفزت من السيارة أثناء سيرها على الطريق.

وقال مصدر أمني، لـ“تليجراف مصر”، إن أجهزة الأمن تفحص واقعة الاختطاف للوقوف على ملابساتها، مشيرًا إلى أنه جارٍ التحقيق مع المتهم.

تفاصيل الواقعة
وكانت الفتاة قد تعرضت لمحاولة اختطاف في مدينة الشروق داخل سيارة تابعة لشركة “أوبر”.

وتداول رواد موقع “فيسبوك” منشورًا لشقيقة الفتاة، قالت فيه "أنا بكتب الـ post ده علشان أحكي ليكم اللي حصل علشان أولًا عاوزاكم تدعولها ربنا يشفيها ويرجعها لينا بالسلامه، حالتها لسه في خطر"

وجاء في المنشور: “حبيبه فاقدة الوعي وعندها نزيف في المخ مش بيوقف ومحطوطة على ventilator. حبيبة استقلت سيارة من التجمع الأول، وكانت رايحة مصر الجديدة الساعة 6:50. مامتها كلمتها في التليفون مكنتش سمعاها كويس علشان صوت الكاسيت كان عالي أوي”.

وذكر المنشور: "الراجل كان بيتخانق في التليفون. حبيبة طلبت منه يوطي الكاسيت قالها لأ وكان بيبرطم بالكلام. مامتها ماكنتش سامعه هو بيقول إيه، قالت لها (ماله دا؟) حبيبه قالت لها: مش عارفه ماله وقفلت بعدها".

وورد في المنشور: "أصحاب حبيبه كلموها يشوفها وصلت فين، رد عليهم واحد قال لهم صاحبة التليفون دي وقعت من العربية قعدت تتشقلب لحد ما اتخبطت في الحاجز الإسمنتي اللي على طريق السويس. ولما راح يسألها إيه اللي حصلك، قالت: Uber كان عاوز يخطفني وجالها تشنجات وفقدت الوعي".

واختتمت “أنا معرفش حصل إيه يخوفها بالشكل دا. ترمي نفسها والعربية بتجري بس أنا عارفة كويس إن حبيبه بتخاف على نفسها، وأكيد هو رعبها والسواق اختفى بعد ما وقعت ولا طلب إسعاف ولا وقف لها وقفل موبايله. أنا عاوزة أختي ترجع لنا. ادعوا لنا. أنا عاوزة أجيب حقها”.